কয়লাখনিত মাটি খহি ৬ জনৰ মৃত্যু, ৪ জনৰ অৱস্থা সংকটজনক

ডিজিটেল ডেস্কঃ মেৰাপানী সীমান্তৰ নাগালেণ্ডৰ ৰিছায়ান বস্তিৰ কয়লাখনিত অঘটন। কয়লা খনন কৰি থকা অৱস্থাত মাটি খহি ৬জনকৈ শ্রমিকৰ মৃত্যু। বৃহস্পতিবাৰে সংঘটিত হয় এই ঘটনা।

আনহাতে ৪ জন শ্রমিকৰ অৱস্থা সংকটজনক বুলি জানিব পৰা গৈছে। নিহত কেইজন মজিবুৰ আলী, কমল চেত্রী, বিশাল থাপাক চিনাক্ত। আন কেইজনৰ পৰিচয় এতিয়ালৈকে লাভ কৰা নাই। নিহত ৬ জনৰে ঘৰ ধনশিৰি মহকুমাৰ সৰুপথাৰৰ সোণাপুৰত।

কয়লা খনিটোত ১০জনৰো অধিক শ্রমিকে কাম কৰি আছিল। আঘাতপ্রাপ্ত ৪জন শ্রমিকক ইতিমধ্যে ডিমাপুৰৰ চিকিৎ‍সালয়ত ভৰ্তি কৰোৱা হৈছে। ঘটনাক লৈ তদন্ত আৰম্ভ।

Also Read: ভাৰতীয় জনতা মজদুৰ সংঘ নগাওঁ জিলাৰ সমিতিৰ সভা