জামুগুৰিহাটত একাধিক প্ৰকল্প উদ্বোধন বিধায়ক পদ্ম হাজৰিকাৰ

ডিজিটেল সংবাদ,জামুগুৰিহাট : জামুগুৰিহাটৰ ব্যৱসায় ক্ষেত্ৰখনত সংযোজন ঘটিল “কন্যকা“ নামেৰ এখন ৰেষ্টুৰেণ্টৰে। চতিয়া সমষ্টিৰ বিধায়ক পদ্ম হাজৰিকাই দেওবাৰে জামুগুৰি ব্যৱসায় কেন্দ্ৰত “কন্যকা” নামৰ এখন আটক ধুনীয়া ৰেষ্টুৰেণ্ট শুভ উদ্ধোধন কৰে ৷

“কন্যকা“ বহুমূখী পামৰ উদ্যোগত উৎপাদিত খাদ্য সমগ্ৰী উপলব্ধ হেৱাকৈ স্থাপন কৰা এই ৰেষ্টুৰেণ্টখনৰ জৰিয়তে অঞ্চলটোৰ ৰাইজ উপকৃত হ'ব বুলি মন্তব্য কৰে বিধায়ক পদ্ম হাজৰিকাই ৷ উদ্বোধনী অনুষ্ঠানৰ পিচতে হাজৰিকাই উত্তৰ নাগশংকৰ গাঁও পঞ্চায়তৰ নৱ নিৰ্মিত কাৰ্যালয় ভৱনৰ শুভ উদ্ধোধন কৰে ৷

কাৰ্যালয়টো উদ্ধোধন কৰি বিধায়কগৰাকীয়ে কয় যে নৱ নিৰ্মিত এই কাৰ্যালয়টিৰ জৰিয়তে অঞ্চলটোৰ ৰাইজ উপকৃত হোৱাৰ লগতে ইয়াৰ পঞ্চায়ত প্ৰতিনিধি আৰু কৰ্মচাৰীসকলে সকলো ধৰণৰ চৰকাৰী কামকাজ সুচাৰুৰূপে পৰিচালনা কৰাত সহায়ক হ'ব ৷ পঞ্চায়ত কাৰ্যালয় শুভ উদ্ধোধনী অনুষ্ঠানত চতিয়া আঞ্চলিক পঞ্চায়তৰ সভাপতি লক্ষীকান্ত বৰা আৰু পঞ্চায়ত সভানেত্ৰী,সদস্যসকলৰ লগতে স্থানীয় ৰাইজে অংশগ্ৰহণ কৰে ৷

Also Read: চিলাপথাৰত একে দিনাই মিচিং স্বায়ত্ব শাসিত পৰিষদৰ ৩ খনকৈ আঁচনি উদ্বোধন...