মুকলি বিহুৱে মুহিলে সকলোকে...

ডিজিটেল সংবাদ, মথুৰাপুৰঃ ৰাজ্যজুৰি ৰঙালী বিহুৰ পাৰভঙা উছাহ ৷ কি শিশু, কি ডেকা-গাভৰু, কি বৃদ্ধ সকলো ব্যস্ত এতিয়া বিহুৰ আনন্দ উল্লাখত ভাগ লোৱাত ৷ নাই কাৰোৰে যেন আহৰি ৷

চৌদিশে কেৱল ঢোলৰ গোম-গোমনি ৷ ঢোল-পেঁপাৰ মাতত ৰজন জনাইছে ৰাজ্যৰ আকাশ-বতাহ ৷ কি ব’হাগী অনুষ্ঠান কি মুকলি বিহু, কি মঞ্চ বিহু সকলোতে বিহুকলৈ অনুষ্ঠান আয়োজন দেখিবলৈ পোৱা গৈছে ৷

ৰাজ্যবাসীৰ লগতে চৰাইদেউৰ মথুৰাপুৰতো দেখা গৈছে বিহুৰ আনন্দ উল্লাস ৷ সোমবাৰে মথুৰাপুৰৰ কুঁৱৰ গাঁৱতো উদযাপন কৰা হয় মুকলি বিহু ৷ ঢোল পেঁপা, গগনা মাত মুখৰিত হৈ পৰিল গ্ৰামাঞ্চলটোৰ পৰিৱেশ ৷

ডেকা-গাভৰুৰ বিহু নাচে সকলোকে কৰিলে মুহিত ৷ গাভৰুৰ জাপি লৈ নচা দৃশ্যই ৰাইজৰ মন প্ৰাণ ভৰাই তুলে ৷

Also Read: ১২তম ৰংজালি বৈশাগু উৎসৱক লৈ ব্যস্ততা...