থলুৱাক প্ৰতাৰণা ! আৰক্ষী বাহিনী লৈ উৰিয়াগাঁৱত কোন এই আগৰৱালা?

ডিজিটেল সংবাদ,নগাঁও : এফালে আৰক্ষীৰ লাঠি আৰু বন্দুক ৷ আনফালে বনিয়াৰ জে চি বি ৷ আঁতৰৰ পৰা সাধাৰণ লোকৰ দৃষ্টি ৷

নগাঁৱৰ বাইপাচ চকত এতিয়া বনিয়াৰ আগ্ৰাসনত ক্ষুব্ধ জনতা ৷ থলুৱা লোকৰ পৰা পানী দৰত চাৰিলেন যুক্ত পথ নিৰ্মানৰ বাবে ৰাষ্ট্ৰীয় ঘাই পথ প্ৰাধিকৰনে মাটি ক্ৰয় কৰি এতিয়া সেই মাটি বনিয়াক দিয়া হৈছে চৰা দামত লীজত ৷

উৰিয়াগাঁও বাইপাচ চকত স্থানীয় লোকে পথৰ কাষত প্ৰায় বাৰ বছৰে সৰু সৰু দোকান দি ব্যৱসায় কৰি ঘৰ সংসাৰ চলাই আহিছিল ৷ হঠাৎ এই ক্ষুদ্ৰ ব্যৱসায়ীসকলৰ দোকান বন্ধ কৰিবলৈ দিয়া হৈছে প্ৰশাসনৰ পৰা ৷ প্ৰায় দুশ থলুৱা লোকৰ ব্যৱসায় আগন্তুক দিনত বন্ধ হৈ পৰিব ৷

ইয়াক লৈ উৰিয়াগাঁৱত স্থানীয় লোক আৰু একাধিক সংগঠনে প্ৰতিবাদ সাব্যস্ত কৰিছে ৷ পথ নিৰ্মানৰ বাবে থলুৱা লোকৰ মাটি লৈ পিছত সেই মাটিত পথ নিৰ্মান নকৰি বনিয়াৰ হাতত তুলি দিয়াৰ বিৰুদ্ধে প্ৰতিবাদ সাব্যস্ত কৰে একাংশই ৷

থলুৱা লোকৰ ব্যৱসায় বন্ধ নকৰি তেওঁলোকক ব্যৱসায় চলাই নিবলৈ সু ব্যৱস্থা কৰি দিয়াৰ বাবে প্ৰতিবাদকাৰী সকলে দাবী উত্থাপন কৰিছে ৷ কিন্তু এই প্ৰতিবাদলৈ কেৰেপ নকৰি বনিয়াৰ স্বাৰ্থ উৰিয়াগাঁৱত শনিবাৰৰ পৰা মোতায়ন কৰা হৈছে আৰক্ষীৰ বৃহৎ বাহিনী ৷

নগাঁৱৰ আগৰৱালা উপাধিৰ বিতৰ্কিত ব্যৱসায়ী এজনৰ স্বাৰ্থ সুৰক্ষিত কৰিবলৈ উঠি পৰি লাগিছে নগাঁৱৰ আৰক্ষী প্ৰশাসন ৷ তেল ডিপো খুলিবলৈ বহিৰাগত বনিয়াৰ পৰা তেল ডিপো স্থাপনৰ বাবে আগভাগ লৈছে সঞ্জয় আগৰৱালা নামৰ ব্যৱসায়ীজনে ৷ সেয়ে যোৱা দুদিন ধৰি উৰিয়াগাঁৱত আৰক্ষী মোতায়ন কৰি ভূমি উন্নয়নৰ কাম কাজ চলাই থকা হৈছে ৷ আৰক্ষীক সকলো সুবিধা প্ৰদান কৰি ব্যৱসায়ীজনে নিজ স্বাৰ্থ পূৰনৰ বাবে প্ৰশাসনক নিজ স্বাৰ্থৰ বাবে কাম কৰোৱাবলৈ সক্ষম হৈছে ৷

বনিয়াই আৰক্ষীক লগত লৈ উৰিয়াগাঁৱৰ মাটি দখলৰ বিপৰিতে প্ৰতিবাদী ৰাইজে গনতান্ত্ৰিক ভাবে আন্দোলন কাৰ্যসূচী গ্ৰহণ কৰিছে ৷ উৰিয়াগাঁও আঞ্চলিক উন্নয়ন সমিতি , উৰিয়াগাঁও ক্ষুদ্ৰ ব্যৱসায়ী সন্থাই সোমবাৰৰ পৰা আমৰন অনশনৰ কাৰ্যসূচী ঘোষণা কৰিছে ৷

আৰু পঢ়ক: হাতীৰ আক্ৰমনত গুৰুতৰভাৱে আহত এজন...