ডিজিটেল সংবাদ, বটদ্ৰৱাঃ দীপাৱলীৰ আনন্দ উল্লাসৰ মাজতেই বটদ্ৰৱা আৰক্ষী থানাৰ অন্তৰ্গত চলাপথাৰৰ পৰা ১০ টা জুৱাৰীক আটক কৰিছে আৰক্ষীয়ে। আৰক্ষীৰ দলটোৱে জুৱাৰী কেইটাৰ পৰা জব্দ কৰিছে জুৱাৰী কেইটাই ব্যৱহাৰ কৰা সামগ্ৰীও।
আটকাধীন জুৱাৰী কেইটাই দীৰ্ঘদিন ধৰি অঞ্চলটোত জুৱাৰ আড্ডা বহুৱাই আহিছিল বুলি অভিযোগ উঠেছ। বটদ্ৰৱা আৰু ধিং থানাৰ অন্তৰ্গত বিভিন্ন অঞ্চলত আৰক্ষীৰ চকুত ধূলি দি চলাই আহিছিল এই জুৱাৰ আড্ডা।
দীপাৱলীৰ নিশা অভিযান চলাই তেওঁলোকক হাতে লোটে আটক কৰে বটদ্ৰৱা আৰক্ষীয়ে। ধৃত জুৱাৰী কেইটা ক্ৰমে উপেন নাথ, হেমন্ত নাথ, মাইন উদ্দীন, আশ্বাদুল ইছলাম, শ্বহীদুল ইছলাম, নাজিম উদ্দীন, জুলফিকাৰ আলী, জিয়াউৰ ৰহমান, জনাব আলী, পাপু খান। জুৱাৰী কেইটাক বটদ্ৰৱা আৰক্ষীয়ে জেৰা অব্যাহত ৰাখিছে।
