গুৱাহাটীত জব্দ ৭লক্ষাধিক টকাৰ চুপাৰিঃ গ্ৰেপ্তাৰ ৪ চোৰ

ডিজিটেল সংবাদ,নগাঁওঃ নগাঁও আৰক্ষীৰ সফলতা। নগাঁৱৰ বৰঘাটৰ পৰা চুৰি হোৱা চুপাৰি ২৪ঘণ্টাৰ ভিতৰত গুৱাহাটীত জব্দ কৰে আৰক্ষীয়ে। তথ্য অনুসৰি বৰঘাটৰ বেদব্ৰত গায়নৰ গুদামৰ পৰা চুৰি হৈছিল চুপাৰিখিনি।

গায়নৰ এজাহাৰৰ ভিত্তিত আৰক্ষীয়ে অভিযান চলাই চুৰি চুপাৰিখিনি জব্দ কৰা লগতে বাইহাটা চাৰিআলি, গৰৈমাৰী আৰু যোৰাবাটৰ পৰা আৰক্ষীয়ে ৪ চুপাৰি চোৰক গ্ৰেপ্তাৰ কৰে।

চোৰ কেইজন ক্ৰমে বাছেৰ আলি,নজৰুল হক,হাফিজ উদ্দিন আৰু আজিদ উদ্দিন। অধিক তথ্যৰ বাবে আৰক্ষীয়ে জেৰা অব্যাহত ৰাখিছে। উল্লেখ্য যে, চুৰি চুপাৰিখিনিৰ মূল্য ৭ লক্ষাধিক টকা।

Also Read: অসম শিল্পী কাননৰ উদ্যোগত ২য় বাৰ্ষিক ৰাস মহোৎসৱৰ শুভাৰম্ভণি অনুষ্ঠান