নগাঁৱত চুৰিকাঘাতৰ ঘটনা: যুৱকৰ চুৰিৰ আঘাতত আহত মহিলা

ডিজিটেল সংবাদ,নগাঁও: নগাঁও চহৰৰ কচলুখোৱাত সংঘটিত এক চুৰীকাঘাতৰ ঘটনাই চহৰখনত তীব্ৰ চাঞ্চল্যৰ সৃষ্টি কৰিছে। এই ঘটনাত গুৰুতৰভাবে আহত হয় এগৰাকী মহিলা। প্ৰতিবেশী এজন যুৱকৰ চুৰিৰ আঘাতত গুৰুতৰভাৱে আহত হয় এগৰাকী মহিলা।

নগাঁৱৰ কচলুখোৱাত সংঘটিত হয় এই চাঞ্চল্যকৰ ঘটনা। চুৰিৰ আঘাতত আহত হোৱা মহিলাগৰাকীৰ নাম অঞ্জনা বৰা। অভিযোগ অনুসৰি, মহিলাগৰাকীৰ প্ৰতিবেশী অপু গুহ নামৰ এজন যুৱকে মহিলাগৰাকীক পেটত চোকা চুৰীৰে বেয়াকৈ আঘাত কৰে ৷

প্ৰতিবেশী যুৱকজনে আক্ৰমণ কৰাৰ সময়ত ভুক্তভোগী মহিলাগৰাকী পুত্ৰৰ সৈতে ঘৰতে আছিল ৷ ঘটনাৰ পিছতে আঘাতপ্ৰাপ্ত মহিলাগৰাকীক নগাঁও ভোগেশ্বৰী ফুকননী অসামৰিক চিকিৎসালয়ত ভৰ্তি কৰা হয়।

বৰ্তমান তেওঁ চিকিৎসালয়তে চিকিৎসাধীন হৈ আছে। চুৰিকাঘাট ঘটনাৰ প্ৰকৃত কাৰণ বৰ্তমানো পোহৰলৈ অহা নাই ৷ ইতিমধ্যে আহত মহিলাগৰাকীৰ পৰিয়ালৰ লোকে অপু গুহ নামৰ যুৱকজনৰ বিৰুদ্ধে স্থানীয় আৰক্ষী থানাত এজাহাৰ দাখিল কৰিছে ।

Also Read: ভূমিৰ পট্টা লাভ নকৰা লোকক পট্টা প্ৰদান কৰিব হাগ্ৰামা মহিলাৰীয়ে!