লামডিং জংচনত 9 MM পিষ্টল সহ আটক যুৱক-যুৱতী

ডিজিটেল সংবাদ,লামডিংঃ ৰেল আৰক্ষীৰ বৃহৎ সফলতা। লামডিং জংচনত পিষ্টল সহ আটক যুৱক-যুৱতী। নিশাৰ ভাগত নামনিমুৱা 15604 নং লিডু এক্সপ্ৰেছত ৰেল আৰক্ষীয়ে অভিযান চলাই এটা 9 MM পিষ্টল সহ ৫ জাই গুলি জব্দ কৰে। আৰক্ষীয়ে লগতে ঘটনাৰ লগত জৰিত দুই সৰবৰাহকাৰীকো আটক কৰে।

জানিব পৰা মতে, জব্দাকৃত পিষ্টলটো ডিমাপুৰৰ পৰা গুৱাহাটী লৈ যোৱাৰ পৰিকল্পনা কৰিছিল দুই সৰবৰাহকাৰীয়ে। আটকাধীন এজন সৰবৰাহকাৰী হাওৰাঘাটৰ সুদিপ মালাকাৰ আৰু আনগৰাকী নাগালেণ্ডৰ ৰিখুম লা বুলি জানিব পৰা গৈছে।

উল্লেখযোগ্য যে, দুই সৰবৰাহকাৰীয়ে 9 MM পিষ্টলটো গুৱাহাটী ৰেলৱে ষ্টেচনত কোনো এজন লোকৰ হাতত সমজাই দিয়াৰ পৰিকল্পনা কৰিছিল। ৰেল আৰক্ষীৰ ভাৰপ্ৰাপ্ত বিষয়া ভূপেন কলিতাৰ নেতৃত্বত চলাইছিল এই অভিযান।

Also Read: কেবিনেট বৈঠক: ফেব্ৰুৱাৰীত ঘোষণা হ’ব ADREৰ ফলাফল...