নগাঁৱত বিৰলা অ’পাচৰ ফেন্সাইছি মুকলি

ডিজিটেল সংবাদ,বেবেজীয়া : নগাঁও চহৰৰ হয়ৱৰগাঁৱত বুধবাৰে বিৰলা অ’পাচৰ এখনি ফেন্সাইচি (শ্ব-ৰূম) মুকলি কৰে নগাঁও-বটদ্ৰৱা সমষ্টিৰ বিধায়ক ৰূপক শৰ্মাই ৷ বিপনীখন মুকলি কৰি বিধায়ক ৰূপক শৰ্মাই কয়- এই বিৰলা অ’পাচৰ ফেন্সাইচিয়ে (শ্ব-ৰূম) নগাঁও তথা মধ্য অসমৰ ৰাইজৰ বহুদিনীয়া অভাৱ দূৰ কৰিব ৷

নগাঁৱত পূৰ্বতে বহু ৰঙৰ এনে বিপনী মুকলি হৈছে যদিও বিৰলা অ’পাচৰ উন্নত মানৰ ৰং লাভ কৰিব পৰা এইয়াই প্ৰথম বিপনী নগাঁৱত ৷ উল্লেখ যে উত্তৰ পূব ভাৰতৰ ভিতৰতে বিৰলা অ’পাচৰ এইয়াই প্ৰথম ফেন্সাইচি যি নগাঁৱত মুকলি হৈছে ৷

হয়বৰগাঁও হাইস্কুলৰ সমীপত চৰ্দাৰ আইৰন ষ্ট’ৰ নামে নামকৰণ কৰা বিপনীখনত ইয়াৰ উপৰি গ্ৰাহকৰ মন পছন্দৰ বিভিন্ন ৰং প্ৰস্তুতকৰণৰ ব্যৱস্থাও ইয়াত উপলব্ধ হ’ব ৷ আজিৰ এই বিৰলা অ’পাচৰ শ্ব-ৰূম মুকলি অনুষ্ঠানত বিশিষ্ট ব্যক্তি হিচাপে উপস্থিত থাকে সমাজকৰ্মী তথা নগাঁও গুৰুদ্বাৰ প্ৰবন্ধক সমিতিৰ প্ৰাক্তন সভাপতি দেৱেন্দ্ৰ সিং চেহমী,নগাঁও গুৰুদ্বাৰ প্ৰবন্ধক সমিতিৰ সভাপতি শশীন্দ্ৰ সিং চেহমী,সম্পাদক হৰভজন সিং খালছা,ছহিন্দ্ৰ সিং গান্ধীৰ লগতে শতাধিক লোক ৷

বিপনীখনত আজিৰে পৰা গ্ৰাহকসকলে নিজৰ মনপচন্দৰ ঘৰৰ ৰং আদিৰ উপৰি টাইলছ, লেট্ৰিন-বাথৰুমৰ যাবতীয় সকলো ধৰণৰ সামগ্ৰী লাভ কৰিব পাৰিব ৷