নগাঁৱত গৰু চোৰ আটক

ডিজিটেল সংবাদ, নগাঁওঃ নগাঁৱৰ ৰাঙলুত আটক কৰা হৈছে এটা গৰু চোৰ ৷ ৰাইজে খেদি খেদি আটক কৰে গৰু চোৰটো৷ উল্লেখ্য যে, আটকাধীন চোৰটোৰ লগত চুৰি কৰিবলৈ অহা আন ২টা চোৰে ৩টা গৰু লৈ পলায় যাবলৈ সক্ষম হয় ৷

এখন চুইফ্ট ডিজায়াৰত আহিছিল চোৰৰ দলটো ৷ আটক হোৱা গৰু চোৰটো চামগুৰিৰ মৌচম আলী বুলি জানিব পৰা গৈছে ৷ স্থানীয় ৰাইজে আটক কৰি ৰাঙলু আৰক্ষীক গতাই দিয়ে চোৰটো ৷

দীৰ্ঘদিন ধৰি ৰাঙলু অঞ্চলত গৰু চোৰে ত্ৰাসৰ সৃষ্টি কৰি আহিছিল৷ ইফালে ৰাঙলু আৰক্ষী আৰু গাওঁৰক্ষী বাহিনীয়ে অভিযান চলাই চামগুৰীৰ সোনাইবালিৰ জাকিৰ নামৰ এজন লোকৰ ঘৰৰ পৰা উদ্ধাৰ কৰে চুৰি হোৱা গৰু কেইটা।

Also Read: ১৯ বছৰে বিজেপি শাসনত থকা ৰাজ্যত ৫১ মিনিটৰ ভাষণত মোডীৰ মুখত ৪৪ বাৰ কংগ্ৰেছৰ নাম...