![নগাঁও মহাবিদ্যালয়ৰ অধ্যাপক ড° পৰীক্ষিত গগৈলৈ ফুলব্ৰাইট-নেহৰু ফেল'শ্বিপ](http://media.assettype.com/asomiyapratidin%2F2023-09%2Fc9904d72-e839-491d-9a00-e04ef5278ba3%2FAP_FOR_WEB_new_format_Y_copy.jpg?w=480&auto=format%2Ccompress&fit=max)
ডিজিটেল সংবাদ, নগাঁওঃ নগাঁও মহাবিদ্যালয়ৰ ৰসায়ণ বিজ্ঞান বিভাগৰ অধ্যাপক ড° পৰীক্ষিত গগৈয়ে লাভ কৰিছে সন্মানীয় ফুলব্ৰাইট-নেহৰু একাডেমিক এণ্ড প্ৰফেছনেল এক্সিলেন্স ৰিচাৰ্চ ফেল'শ্বিপ। যোৰহাট বিজ্ঞান মহাবিদ্যালয়ৰ পৰা স্নাতক ডিগ্ৰী, কটন বিশ্ববিদ্যালয়ৰ পৰা ৰসায়ণ বিজ্ঞান বিভাগত স্নাতকোত্তৰ আৰু ডিব্ৰুগড় বিশ্ববিদ্যালয়ৰ পৰা MTech ডিগ্ৰী লাভ কৰা ড° গগৈয়ে গুৱাহাটী আই আই টিত প্ৰথমে যোগদান কৰে।
ইয়াৰ পিছত নগাঁও মহাবিদ্যালয়ত ৰসায়ণ বিজ্ঞান বিভাগৰ অধ্যাপক হিচাপে যোগদান কৰা ড° গগৈয়ে ২০১৪ চনত বেঙ্গালুৰত ইণ্ডিয়ান নেচনেল একাডেমী অৱ ছাইঞ্চত ইনছা চামাৰ ৰিচাৰ্চ অৱ টিচাৰ্চ ফেল'শ্বিপো লাভ কৰিছিল। যোৰহাট পুলিবৰৰ অৱসৰপ্ৰাপ্ত কৃষি বিষয়া ৰূপেন গগৈ আৰু অৱসৰপ্ৰাপ্ত শিক্ষয়ত্ৰী পূণ্য গগৈৰ পুত্ৰ ড° পৰীক্ষিত গগৈয়ে আমেৰিকাৰ ইলিয়ণ বিশ্ববিদ্যালয়ৰ গেৰী ৰিচাৰ্চ ইনষ্টিউটৰ ড° জেমিন কিমৰ সহযোগত উৰাজাহাজত ব্যৱহৃত ইন্ধন উৎপাদনৰ ওপৰত গৱেষণা কৰিব। জানিব পৰা অনুসৰি অহা ১৫ ছেপ্টেম্বৰৰ পৰা ২০২৪ চনৰ জুন মাহলৈ এই গৱেষণা চলিব।