বটদ্রৱা আৰক্ষী থানাৰ সন্মুখত ভয়ংকৰ পথ দুৰ্ঘটনা...

ডিজিটেল সংবাদ,বটদ্ৰৱা : বটদ্রৱা আৰক্ষী থানাৰ সন্মুখত সংঘটিত হৈছে ভয়ংকৰ পথ দুৰ্ঘটনা। বাইক আৰু ছুইফ্ট ডিজায়াৰ মুখামুখি সংঘৰ্ষত গুৰুতৰভাৱে আহত হৈছে তিনিজন লোক।

ঘটনাৰ বিবৰণী অনুসৰি, ধিঙৰ পৰা নগাঁও অভিমুখে গৈ থকা AS 12 BC 3115 নম্বৰৰ ছুইফ্ট ডিজায়াৰখনক বিপৰীত দিশৰ পৰা অহা এখন তীব্ৰবেগী পালচাৰ ১২৫ বাইকে প্ৰচণ্ড জোৰেৰে খুন্দা মাৰে। দুৰ্ঘটনাত বাইক আৰোহী দুজন গুৰুতৰভাৱে আহত হোৱাৰ লগতে ছুইফ্ট ডিজায়াৰখনত থকা এগৰাকী মহিলা আহত হয়।

লগে লগে আহত সকলক চিকিৎসাৰ বাবে নগাঁৱলৈ প্ৰেৰণ কৰা হয়। উল্লেখ্য যে, আহত বাইক আৰোহীজনৰ অৱস্থা অতি সংকটজনক।

Also Read: জামুগুৰিহাটত বিশ্বকৰ্মাৰ মূৰ্তি নিৰ্মাণত ব্যস্ত মৃৎশিল্পী...