আনন্দৰাম ঢেকিয়াল ফুকন মহাবিদ্যালয়ত সদৌ অসম ভিত্তিত আন্তঃমহাবিদ্যালয়- বিশ্ববিদ্যালয় তর্ক প্রতিযোগিতা
ডিজিটেল সংবাদ,বেবেজীয়া : নগাঁৱৰ আগশাৰীৰ শিক্ষানুষ্ঠান আনন্দৰাম ঢেকিয়াল ফুকন মহাবিদ্যালয়ৰ প্ৰতিষ্ঠা দিৱস উপলক্ষে স্বৰ্গীয় শুকদেৱ গোস্বামী সোঁৱৰণী সদৌ অসম ভিত্তিত আন্তঃ মহাবিদ্যালয়- বিশ্ববিদ্যালয় তৰ্ক প্ৰতিযোগিতাৰ আয়োজন কৰিছে । অহা ৮ ছেপ্টেম্বৰৰ দিনৰ ৯:৩০ বজাৰপৰা মহাবিদ্যালয়ৰ আব্দুল হাই প্ৰেক্ষাগৃহত অনুষ্ঠিত হ'ব প্ৰতিযোগিতাখন
উক্ত প্ৰতিযোগিতাখনত অসমৰ যিকোনো প্ৰান্তৰ মহাবিদ্যালয়-বিশ্ববিদ্যালয়ৰ স্নাতক আৰু স্নাতকোত্তৰ পৰ্যায়ৰ ছাত্ৰ-ছাত্ৰীৰ কাৰণে মুকলি থাকিব । প্ৰতিযোগিতাখনিত এখন শিক্ষানুষ্ঠানৰ পৰা এজন সপক্ষে আৰু এজন বিপক্ষে দুজন তার্কিকে অংশগ্ৰহণ কৰিব পাৰিব বুলি জনাইছে।
তৰ্কৰ বিষয়— "কৃত্ৰিম বুদ্ধিমত্তা মানৱ সমাজৰ বাবে আশীৰ্বাদ।" মহাবিদ্যালয়ৰ তৰ্ক আৰু আলোচনা চক্ৰ বিভাগৰ সম্পাদক শিল্পীশিখা বৰাই জনোৱা অনুসৰি প্ৰতিযোগীসকলে ৭ ছেপ্টেম্বৰ বা তাৰ আগেয়ে অনলাইন মাধ্যমেৰে যোগদান নিশ্চিত কৰিব লাগিব।
প্রতিযোগিতাৰ দিনা নিজৰ শিক্ষানুষ্ঠানৰ মুৰব্বীৰদ্বাৰা প্ৰত্যায়িত প্রমাণ-পত্ৰ লগত জমা দিব লাগিব। প্ৰতিযোগিতাৰ যোগদান মাচুল পোন প্ৰথমবাৰৰ বাবে অধ্যক্ষ ড০ সদানন্দ পায়েঙে বিনামূলীয়া কৰিছে।
আনহাতে প্ৰতিযোগিতাখনিত ১ম শ্ৰেষ্ঠ দলক ৭,০০০ টকা লগতে মান-পত্ৰ আৰু ট্ৰফীৰে পুৰস্কৃত কৰা হ'ব। একেদৰে ২য় শ্ৰেষ্ঠ দলক ৬,০০০ টকাৰ লগতে মান-পত্র আৰু ট্ৰফী, ৩য় শ্রেষ্ঠ দলক ৫,০০০ টকা লগতে মানপত্ৰ আৰু ট্ৰফী প্ৰদান কৰা হ'ব।
ইয়াৰোপৰি ১ম শ্ৰেষ্ঠ তার্কিকক ৮০০০টকা লগতে মানপত্ৰ আৰু ট্ৰফী, ২য় শ্ৰেষ্ঠ তাৰ্কিকক ৬০০০ টকা লগতে মান-পত্ৰ আৰু ট্ৰফী আৰু ৩য় শ্ৰেষ্ঠ তাৰ্কিকক ৪০০০ টকা লগতে মানপত্ৰ আৰু ট্ৰফী প্ৰদান কৰা হ'ব। ইচ্ছুক প্রতিযোগীসকলক আনন্দৰাম ঢেকিয়াল ফুকন মহাবিদ্যালয়ৰ তৰ্ক আৰু আলোচনা চক্ৰ বিভাগৰ সম্পাদক শিল্পীশিখা বৰা +91 ৮৮২২১ ৭৭৪৩০আৰু বিভাগীয় তত্বাৱধায়ক ড° প্ৰশান্ত গগৈ ৭০০২০ ৯৩০২০ ৰ সৈতে যোগাযোগ কৰিবলৈ অনুৰোধ জনাইছে।
