![কপিলীৰ বানত বিধ্বস্ত কচুৱাৰ এটা ৰাজপথ...](http://media.assettype.com/asomiyapratidin%2F2024-06%2F103ce9b3-ae50-4cf8-b90b-af8a98405cc1%2Fkosua_8.jpg?w=480&auto=format%2Ccompress&fit=max)
ডিজিটেল সংবাদ কামপুৰঃ কামপুৰৰ বান পৰিস্থিতি উন্নত হৈছে যদিও কপিলীৰ বলিয়া বানে ধ্বংসস্তুপত পৰিণত কৰিলে কামপুৰৰ নিকটৱৰ্তী অঞ্চল কচুৱাৰ এটা পধ। কামপুৰৰ- বৈঠালাংছ পথৰ বগৰীতলৰ পৰা কচুৱা হৈ পশ্চিম কাৰ্বি আংলং জিলাক সংযোগ কৰা পথটোৰ কপিলীৰ বানে কেইবাঠাইতো যথেষ্ট অংশ চিঙি নিয়াত পথত সৃষ্টি হৈছে পুখুৰীসদৃশ প্ৰকাণ্ড গাতৰ ।
পথটো চিঙি নিয়াত বিশেষকৈ কচুৱা অঞ্চলৰ ৰাইজে কামপুৰৰ সৈতে যাতায়তত দুৰ্ভোগ ভূগিব লগা হৈছে। পথটোৰ এনে দুৰৱস্থাৰ বাবে যান-বাহনৰ চলাচল বন্ধ হৈ থকাত ৰাইজে জৰুৰীকালীন সেৱাৰ পৰা বঞ্চিত হ'বলগীয়া আশংকা প্ৰকট হৈ পৰিছে। ৰাইজে অতি শীঘ্ৰে উক্ত পথছোৱা নিৰ্মাণৰ লগতে ভগ্ন মথাউৰিসমূহ নিৰ্মাণ কৰিবলৈ চৰকাৰক অনুৰোধ জনাইছে।