প্ৰেমিকাক হত্যা কৰি কেৰেলাত আত্মগোপন কৰা প্ৰেমিকক আটক

ডিজিটেল সংবাদ,নগাঁও : প্ৰেমিকাক হত্যা কৰি বহিঃৰাজ্যলৈ পলায়ন কৰা এজন প্ৰেমিকক আৰক্ষীয়ে কৰায়ত্ব কৰিছে ৷ প্ৰেমিকাগৰাকীক হত্যা কৰাৰ অভিযোগত কৰায়ত্ব হোৱা প্ৰেমিকজনৰ নাম হৈছে ছাইফুল ইছলাম ৷

নগাঁও জিলাৰ হয়বৰগাঁও টাউন আৰক্ষী চকীৰ আৰক্ষীয়ে ছাইফুলক কেৰেলাৰ পৰা কৰায়ত্ব কৰি নগাঁৱলৈ আনে ৷ ২০২২ চনত সংঘটিত হৈছিল এই হত্যাকাণ্ডৰ ঘটনা ৷ অভিযোগ মতে ছাইফুলে প্ৰেমিকাক টেলিফোনেৰে কথা পাতিবৰ বাবে ঘৰৰ পৰা মাতি আনি হত্যা কৰিছিল ৷ হত্যাকাণ্ড সংঘটিত কৰিয়ে ছাইফুলে পলায়ন কৰিছিল বুলি জানিব পৰা গৈছে ৷

ছাইফুলে প্ৰেমিকাগৰাকীক ঘৰৰ পৰা মাতি আনি কিয় হত্যা কৰিলে সেই কথা বৰ্তমানেও ৰহস্যৰ আৱৰ্তত ৷ প্ৰেমিক যুবকজনক আৰক্ষীয়ে সোধা-পোছা কৰাৰ পিছতহে হত্যাৰ ৰহস্য পোহৰলৈ আহিব ৷

Also Read: কাছজান পানী যোগান আঁচনি পৰিদৰ্শন জয়ন্ত মল্ল বৰুৱাৰ...