ডিজিটেল সংবাদ নগাঁও : ৰাজপথত সন্তান প্ৰসৱ ৷ এই ঘটনা নগাঁও ভোগেশ্বৰী ফুকননী অসামৰিক চিকিৎসালয়ৰ সন্মুখত ৷ শুকুৰবাৰে নিশা সংঘটিত হৈছে এই ঘটনা।
জানিব পৰা মতে, এখন টেম্পুত চিকিৎসালয়লৈ এগৰাকী প্ৰসূতি আনিছিল কেইজনমান লোকে ৷ চিকিৎসালয়ৰ গেইটৰ সন্মুখৰ পথতে লোককেইজনৰ মাজত কাজিয়াৰ সূত্ৰপাত হয় ৷
সন্তান লাগে- নালাগে তাক লৈ কাজিয়াৰ সূত্ৰপাত হোৱাৰ মাজতে মহিলাগৰাকীয়ে পথৰ ওপৰতে গাড়ীতে সন্তান প্ৰসব কৰে ৷ এই ঘটনা প্ৰত্যক্ষ কৰা স্হানীয় লোকে লগে লগে চিকিৎসালয়ৰ কৰ্তব্যৰত চিকিৎসাকৰ্মীক খবৰ দিয়াত সন্তানসহ মহিলাগৰাকীক চিকিৎসাৰ দিহা কৰে ৷
এই ঘটনাৰ পিছতে প্ৰসূতি মহিলাগৰাকীক চিকিৎসালয়লৈ লৈ অহা লোক কেইজনে পলায়ন কৰে ৷ পিছত চিকিৎসালয়খনৰ পৰা সন্তানসহ মহিলাগৰাকীক নগাঁও চিকিৎসা মহাবিদ্যালয় চিকিৎসালয়লৈ প্ৰেৰণ কৰা হয় ৷ বৰ্তমানলৈকে মহিলাগৰাকীৰ পৰিচয় জানিব পৰা হোৱা নাই ৷
