ডিজিটেল সংবাদ, নগাঁৱঃ পুনৰ ক'ৰ'নাত আক্ৰান্ত হৈছে বহু লোক ৷ নগাঁৱৰ চিকিৎসক দম্পতী আক্ৰান্ত হৈছে ক’ভিডত ৷ আক্ৰান্ত চিকিৎসক দুগৰাকী হৈছে ৰাহুল দেৱনাথ আৰু প্ৰণতি বৰুৱা ৷
দুয়ো তিনিদিন পূৰ্বে আহিছিল হায়দৰাবাদৰ পৰা ৷ বহিঃৰাজ্যৰ পৰা অহাৰ পিছতেই ক’ভিডৰ লক্ষণে দেখা দিছিল দুয়োৰে শৰীৰত ৷ স্বাস্থ্য পৰীক্ষাত ধৰা পৰে ক’ভিডত আক্ৰান্ত হোৱাৰ কথা ৷ অৱশ্যে চিকিৎসক দম্পতীৰ সংস্পৰ্শলৈ অহা সকলো লোকৰে কোভিড নিগেটিভ পৰীক্ষা কৰি পোৱা গৈছে ৷
ৰাহুল দেৱনাথ কন্দলি স্বাস্থ্য কেন্দ্ৰ আৰু তেওঁৰ পত্নী প্ৰণতি বৰুৱা বেবেজীয়া সমূহীয়া স্বাস্থ্য কেন্দ্ৰৰ চিকিৎসক ৷ বৰ্তমান দুয়ো নগাঁও চহৰৰ হয়বৰগাঁৱৰ ভাড়াঘৰতে আছুতীয়াকৈ থাকি চিকিৎসা গ্ৰহণ কৰি আছে ৷
