নগাঁৱত আৰক্ষীৰ গুলীত আহত দুৰ্ধৰ্ষ ডকাইত

ডিজিটেল ডেস্কঃ নগাঁৱৰ জুৰীয়াত আৰক্ষী আৰু ডকাইতৰ মাজত সংঘটিত হৈছে গুলীয়াগুলী। বৃহস্পতিবাৰে পুৱতি নিশা প্ৰায় ৩ বজাত সংঘটিত হয় এই ঘটনা। এই ঘটনাৰ ফলত আহত হয় ৰাজু আহমেদ নামৰ এজন যুৱক।

বুধবাৰে নিশা জুৰীয়াৰ চামধৰাত আৰক্ষীয়ে অভিযান চলাই থকাৰ সময়ত সংঘটিত হয় এই ঘটনা। আৰক্ষী অধীক্ষক নবনীত মহন্তৰ জনোৱা মতে, ৰাজু আহমেদে প্ৰথমে আক্ৰমণ চলাইছিল আৰু তাৰ প্ৰত্যুত্তৰত আৰক্ষীয়ে গুলীচালনা কৰাত আহত হয় ডকাইতটো। ৰাজু আহমেদৰ পৰা এটা পিষ্টলসহ সজীৱ গুলি কৰে আৰক্ষীয়ে।

জানিব পৰা মতে, আহত ৰাজু আহমেদৰ সোঁভৰিত গুলী লাগিছে। আহত যুৱকজন বৰ্তমান নগাঁও ভোগেশ্বৰী ফুকননী অসামৰিক চিকিৎসালয়ত চিকিৎসাধীন হৈ আছে। উল্লেখ্য যে, বুধবাৰে আটক কৰা ৰাজু আহমেদৰ ডকাইটি দলৰ বাকী সদস্য এতিয়াও পলাতক অৱস্থাত আছে।

Also Read: মন্ত্রী অতুল বৰাক হত্যাৰ ভাবুকি দিয়া যুৱকক আটক