বাসগৃহৰ দেৱালত খুণ্ডা তীব্ৰবেগী চাৰিচকীয়া বাহনৰ, থিতাতে নিহত চালক

ডিজিটেল সংবাদ, নগাঁওঃ পুৰণিগুদামত দেওবাৰে পুৱতি নিশা ভয়ংকৰ পথ দুৰ্ঘটনা। চাৰিলেনযুক্ত পথৰ দিভাইডাৰ ভাঙি উফৰি আহি বিপৰীত দিশৰ এটি বাসগৃহৰ দেৱালত খুণ্ডা মাৰে বাহনে।উজনিৰ পৰা নগাঁও অভিমুখে আহি আছিল বাহন খন।

দুৰ্ঘটনাত পতিত হোৱা স্কৰপিঅ বাহন খনৰ নম্বৰ AS12AB3669 । থিতাতে নিহত হয় বাহন খনৰ চালক জন।চাৰিলেনযুক্ত পথৰ দুৰবস্থাৰ বাবেই সঘনাই সংঘটিত হৈ থাকে পথ ছোৱাত দুৰ্ঘটনা।

দুৰ্ঘটনাটো ইমানেই ভয়ংকৰ আছিল যে স্কৰপিঅ বাহন খন ভাঙি চেপেতা হৈ পৰে। বহু সময়ৰ অন্তত ক্ৰেনৰ সহায়ত উদ্ধাৰ কৰে বাহনখনৰ ভিতৰত আৱদ্ধ হৈ থকা চালক জনৰ মৃতদেহ।মৃত চালক জনৰ নাম হিৰু কুমাৰ চেত্ৰী। ঘৰ তেজপুৰ চতাই চাপৰিত বুলি জানিব পৰা গৈছে।

Also Read: হামাছৰ ইজৰাইল আক্ৰমণঃ ৭ নেপালী ছাত্ৰ আহত, বন্দী ১০ জন...