![নগাঁৱত ৫ গৰু চোৰ আটক](http://media.assettype.com/asomiyapratidin%2F2023-07%2Fe434c33b-2543-4fa6-b6b2-af7f90672f79%2Fty.jpg?w=480&auto=format%2Ccompress&fit=max)
ডিজিটেল সংবাদ,নগাঁও: ৰাইজৰ সহযোগত নগাঁও আৰক্ষীয়ে দেওবাৰে কৰায়ত্ব কৰিছে পাঁচজনকৈ সন্দেহজনক গৰু চোৰক ৷ কৰায়ত্ব কৰা গৰু চোৰ কেইজনৰ নাম হৈছে জিয়াবুৰ ৰহমান , তফজুল হুছেইন , ওছমান আলি , মুকচিদুৰ ইছলাম আৰু মাহৰুদ্দিন৷
জানিব পৰা মতে কেন্দুগুৰি , পুৰণিআটি , লাইকামাৰী চৰত অভিযান চলাই এই সন্দেহজনক গৰু চোৰ কেইজনক কৰায়ত্ব কৰে ৷ চোৰ কেইজনৰ জিম্মাৰ পৰা সাতটাকৈ চোৰ হোৱা গৰু উদ্ধাৰ কৰা হৈছে ৷
অভিযোগ মতে চোৰৰ দলটোয়ে নগাঁৱৰ বিভিন্ন প্ৰান্তৰ পৰা গৰু চোৰ কৰি চৰলৈ লৈ যায় ৷ চৰত চোৰ কৰি নিয়া গৰু সমূহ মজুত কৰি ৰাখে ৷ পিছত উচ্চ দৰত বিক্ৰি কৰে ৷ বৰ্তমান নগাঁৱৰ হয়বৰগাঁও টাউন আৰক্ষী চকীৰ আৰক্ষীয়ে গৰু চোৰক নিজৰ জিম্মাত লৈ সোধপোচ চলাই আছে ৷