ডিজিটেল সংবাদ, নগাঁও : নগাঁৱৰ তেলিয়া পহুকটাত পথ দুৰ্ঘটনা ৷ গো-ধন চোৰ কৰিবলৈ অহা বিলাসী বাহনে খুন্দা মাৰে গছত ৷ ফলত গাড়ীখনৰ পিছৰ ছিটত বহা দুজনলোক গুৰুতৰভাৱে আঘাতপ্ৰাপ্ত হয় ৷
আনহাতে ঘটনাস্থলীৰ পৰাই চালক সহ পলায়ন কৰে দুজনে ৷ ঘটনাস্থলীত নগাঁৱৰ ইটাচালি আৰু যানবাহন শাখাৰ আৰক্ষী উপস্থিত হৈ অচেতন অৱস্থাত দুজন লোকক উদ্ধাৰ কৰাৰ লগতে গাড়ীখনৰ ভিতৰৰ পৰা গো-ধন চোৰ কৰিবলৈ ব্যৱহাৰ কৰা কাঠৰ তক্তা আৰু নিচাযুক্ত টেবলেত উদ্ধাৰ কৰে ।
উল্লেখ্য যে, ঘটনাটো সংঘটিত হয় পুৱা চাৰি বজাত ৷ দুৰ্ঘটনাগ্ৰস্ত বাহনখনৰ নম্বৰ হৈছে এ এছ ০১ এফ কে ৭৬৪৩ ৷
