নগাঁৱত দেহ ব্যৱসায়ীৰ টাৰ্গেট মহাবিদ্যালয়ৰ ছাত্ৰী...

ডিজিটেল সংবাদ, নগাঁওঃ শেহতীয়াকৈ নগাঁৱত দেহ ব্যৱসায়ীৰ চক্ৰৰ কবলত পৰিছে মহাবিদ্যালয়ত অধ্যয়নৰত ছাত্ৰী ৷ বিশেষকৈ দৰিদ্ৰ, সহজ-সৰল ছাত্ৰী বলি হ’ব লগা হৈছে দেহ ব্যৱসায়ীৰ চক্ৰৰ ৷ মহাবিদ্যালয়লৈ অহাৰ পথত বা ঘৰলৈ ঘূৰাৰ পথত দুষ্ট চক্ৰটোয়ে লক্ষ্য কৰি লয় ছাত্ৰীসকলক ৷ শিক্ষানুষ্ঠানলৈ যোৱা ছাত্ৰীগৰাকী ঠিকেই শিক্ষানুষ্ঠান গৈ পায়ছেনে বা ঠিকেই ঘৰত আহি উপস্থিত হৈছেনে অভিভাৱকে খবৰ কৰক ৷ সতৰ্ক নহ'লে অভিভাৱকৰ বা পৰিয়ালৰ অগোচৰে ছাত্ৰীগৰাকী পৰিব পাৰে দেহ ব্যৱসায়ীৰ চক্ৰৰ কবলত ৷

নগাঁও চহৰৰ নেহৰুবালিৰ ওচৰৰ পৰা বিয়লি কথমপি ৰক্ষা পৰে নগাঁও ছোৱালী মহাবিদ্যালয়ৰ এগৰাকী ছাত্ৰী ৷ জুৰীয়া সূঁতিৰপাৰৰ বৰদলৈ উপাধিৰ ছাত্ৰীগৰাকী মহাবিদ্যালয়ৰ পৰা ঘৰলৈ ঘূৰাৰ পথত আক্ৰমণৰ বলি হয় ৷ এখন টমটমত উঠি হয়বৰগাঁৱলৈ বুলি গৈ থকা অৱস্থাত টমটমখনৰ চালক আৰু দুজন আৰোহীয়ে বৰদলৈৰ মুখত স্পে কৰে আৰু চকুয়ে মনিব নোৱাৰা হোৱাত টমটমৰ পৰা জপিয়াই দিয়াত পথৰ ওপৰত বাগৰি পৰে ৷ লগে লগে সেই স্থানত হুৱা দুৱা লাগে ৷ বাটৰুৱা সমবেত হৈ অৰ্দ্ধচেতন অৱস্থাত ছাত্ৰীগৰাকীক উদ্ধাৰ কৰি আৰক্ষীক খবৰ দিয়া হয় ৷ ইফালে টমটমখনত থকা দলটোয়ে ঘটনাস্থলীৰ পৰা পলায়ন কৰে ৷

চাঞ্চল্যকৰ বিষয় এই যে নাৰী দেহ চক্ৰৰ কবলৰ পৰা নিজক ৰক্ষা কৰে ছাত্ৰীগৰাকীয়ে ৷ চক্ৰটোৰ এজেণ্টে ছাত্ৰীসকলক টাৰ্গেট কৰি চেতনানাশক দ্ৰব্য ব্যৱহাৰ কৰি অচেতন কৰি চহৰখনৰ গোপন স্থানলৈ লৈ গৈ অসৎ কাৰ্য কৰাৰ চেষ্টা কৰে ৷ পিছত ব্লেকমেইল কৰি এৰি দিয়ে আৰু চক্ৰটোয়ে বিচৰাৰ দৰে দেহ ব্যৱসায়ত নামিবলৈ বাধ্য হয় ভুক্তভোগী ৷ এই চক্ৰটোৰ মূল ঘাটি হৈছে নগাঁও উৰিয়াগাঁৱৰ পৰা ডিমৌলৈকে থকা বাইপাচৰ গৰিষ্ঠ সংখ্যক ধাবা ৷ চক্ৰটোয়ে সকলোপক্ষকে মেনেজ কৰি এই ব্যৱসায় চলাই আহিছে ৷ শেহতীয়াকৈ দেহব্যৱসায় সম্প্ৰসাৰণ কৰিবলৈ চক্ৰটোয়ে এনেদৰে মহাবিদ্যালয়ৰ ছাত্ৰীসকলক টাৰ্গেট কৰি লৈছে ৷

উল্লেক্য যে, নগাঁও মহাবিদ্যালয়ৰ একাধিক ছাত্ৰীক চক্ৰটোয়ে লক্ষ্য কৰি চেতনানাশক দ্ৰব্য ব্যৱহাৰ কৰা বুলি জানিব পৰা গৈছে ৷ এই ঘটনাই মহাবিদ্যালয়খনৰ ছাত্ৰীসকলৰ মাজত আতংকৰ সৃষ্টি কৰিছে ৷ নগাঁও মহাবিদ্যালৰ ছাত্ৰীসকলৰ মাজটো এনে ঘটনা সংঘটিত হৈছে বুলি জানিব পৰা গৈছে ৷ ৰহাৰ এগৰাকী ছাত্ৰীও একে ঘটনাৰ বলি হৈ সন্ধানহীন হৈ থকা বুলি চাঞ্চল্যকৰ অভিযোগ উঠিছে ৷

Also Read: "লোকসভা নিৰ্বাচনত আমি ১১খন আসনত জয় লাভ কৰিম"- মন্ত্ৰী পীযুষ হাজৰীকা