নগাঁৱত আৰক্ষীৰ অভিযান: তিনি নিচাযুক্ত সামগ্ৰী সৰবৰাহকাৰীক গ্ৰেপ্তাৰ

ডিজিটেল সংবাদ, নগাঁও: নগাঁও আৰক্ষীয়ে ড্ৰাগছৰ বিৰুদ্ধে ধাৰাবাহিক অভিযান অব্যাহত ৰাখিছে। ইয়াৰ অংশ হিচাপে নগাঁও আৰক্ষীয়ে নগাঁও চহৰৰ চিভিল গেটৰ ওচৰত অভিযান চলাই। এক গোপন সুত্ৰৰ পমখেদি নগাঁও নগৰ আৰক্ষীৰ ভাৰপ্ৰাপ্ত বিষয়া উৎপল বৈশ্যৰ নেতৃত্বত যোৱা আৰক্ষীৰ দলে চলাইছিল এই অভিযান।

অভিযানৰ সময়ত আৰক্ষীয়ে বুজন পৰিমানৰ নিচাযুক্ত টেবলেট জব্দ কৰাৰ লগতে তিনিজন সৰবৰাহকাৰীক গ্ৰেপ্তাৰ কৰিবলৈ সক্ষম হয়। গ্ৰেপ্তাৰ কৰা ড্ৰাগছ সৰবৰাহকাৰী কেইজন হ'ল - আশ্ৰাফ হুছেইন, জেহিৰউদ্দিন আহমেদ আৰু তাৰিক জামান। আৰক্ষীয়ে তিনিওকে আদালতত হাজিৰ কৰাই আৰু আদালতে কাৰাগাৰলৈ প্ৰেৰণ কৰে।

Also Read: ২০২৬ত বিজেপিৰ পতন অনিবাৰ্যঃ অখিল গগৈ