যুৱ-ছাত্ৰ পৰিষদৰ উদ্যোগত মুকলি কুইজ প্ৰতিযোগিতাৰ আয়োজন

ডিজিটেল সংবাদ, নগাঁও: নৱ প্ৰজন্মৰ মাজত বুৰঞ্জীৰ জ্ঞান প্ৰসাৰৰ লক্ষ্যৰে বিগত বছৰৰ দৰে এইবছৰো অসম জাতীয়তাবাদী যুৱ-ছাত্ৰ পৰিষদৰ নগাঁও জিলা সমিতিৰ উদ্যোগত ড° এচ আৰ কে ছিনিয়ৰ ছেকেণ্ডেৰী স্কুলৰ সহযোগত পঞ্চদশ বাষিক ধ্ৰুৱজ্যোতি বৰা সোঁৱৰণী সদৌ অসম মুকলি কুইজ প্ৰতিযোগিতা ২৫ ছেপ্টেম্বৰত নগাঁও চহৰৰ শ্বহীদ অনিল বৰা প্ৰেক্ষাগৃহত আয়োজন কৰা হৈছে।

পৰিষদৰ নগাঁও জিলা সমিতিৰ সভাপতি প্ৰাগজ্যোতিষ বনিয়া আৰু সাধাৰণ সম্পাদক দেৱাৰ্শীষ দাসে এক বিবৃতিযোগে জনায় যে, কেৱল বুৰঞ্জীৰ ওপৰতহে কুইজ প্ৰতিযোগিতাখন অনুষ্ঠিত হ'ব । প্ৰতিযোগিতা সকলোৰে বাবে মুকলি থাকিব । প্ৰতিযোগিতাৰ প্ৰতিটো দলত ২ জনতকৈ অধিক প্ৰতিযোগী হ'ব নোৱাৰিব । প্ৰতিযোগিতাৰ প্ৰতিটো দলৰ ভৰ্তি মাচুল ১০০ টকা। ইচ্ছুক প্ৰতিযোগী দলসমূহক নামভৰ্তি কৰিবলৈ উদ্যোক্তাসকলে আহ্বান জনায়।

প্ৰতিযোগিতাখনৰ প্ৰথম পুৰস্কাৰ ৭০০১ টকা , দ্বিতীয় পুৰস্কাৰ ৫০০১ টকা আৰু তৃতীয় পুৰস্কাৰ ৩০০১ টকা ,লগতে চলন্ত বঁটা আৰু মানপত্ৰ প্ৰদান কৰা হ'ব। ইয়াৰ উপৰি চতুৰ্থ , পঞ্চম আৰু ষষ্ঠ বিজেতালৈ মানপত্ৰ আৰু ১০০০ টকাকৈ মাননী আগবঢ়োৱা হ'ব।

ইচ্ছুক প্ৰতিযোগী দলসমূহে সবিশেষ জানিবৰ বাবে অসম জাতীয়তাবাদী যুৱ-ছাত্ৰ পৰিষদৰ নগাঁও জিলা নতুন বজাৰস্থিত কাৰ্য্যলয়ত অথবা -৭০০২৭৬৮৮৬৩ , ৮৬৩৮১৭১৬৪১,৭৩৯৯৫১৩০৭৪,৯১০১৩৪৯৭২৭,৬০০০৩৪৫১৭০ নম্বৰত যোগাযোগ কৰিবলৈ পৰিচালনা সমিতিৰ সভাপতি প্ৰবাল শৰ্মা আৰু সম্পাদকদ্বয় দিপু শইকীয়া আৰু দিপাংকৰ শৰ্মাই অনুৰোধ জনায়।

Also Read: আঠখেলীয়া উচ্চতৰ মাধ্যমিক বিদ্যালয়ত শিক্ষাৰ্থীৰ উত্তাল প্ৰতিবাদ