![NEETত উজ্বলিল ৰামানুজন উচ্চ মাধ্যমিক বিদ্যালয়...](http://media.assettype.com/asomiyapratidin%2F2024-06%2Fe867e417-8da0-4c96-9b41-9bc5b92b179a%2FAP_FOR_WEB_neet_.jpg?w=480&auto=format%2Ccompress&fit=max)
ডিজিটেল সংবাদ, নগাঁওঃ সৰ্বভাৰতীয় প্ৰৱেশ পৰীক্ষাসমূহত ৰামানুজন উচ্চ মাধ্যমিক বিদ্যালয়ৰ শিক্ষাৰ্থীৰ জয়যাত্ৰা অব্যাহত আছে। এই ধাৰা অটুত ৰাখি সদ্য ঘোষিত NEET 2024 পৰীক্ষাত অনুষ্ঠানখনৰ ছাত্ৰ-ছাত্ৰীৰ সফলতাই নগাঁৱৰ জনসমাজৰ লগতে অনুষ্ঠানটিৰ অধ্যক্ষ দিলীপ কুমাৰ বৰাকে প্ৰমূখ্য কৰি শিক্ষক-শিক্ষয়িত্ৰীসকলে আনন্দ প্ৰকাশ কৰিছে ।
একমাত্ৰ বিদ্যালয়ৰ শ্ৰেণীকোঠাৰ শিক্ষাকেই মূলধন হিচাপে লৈ সফলতা অৰ্জন কৰা সেই ছাত্ৰ-ছাত্ৰীসকলে সুস্থ সমাজ গঢ়াত মনোনিৱেশ কৰিব বুলি তেওঁলোক আশাবাদী। ৰামানুজন উচ্চ মাধ্যমিক বিদ্যালয়ৰ শিক্ষকসকলৰ ত্যাগ আৰু শিক্ষাৰ্থী সকলৰ অধ্যৱসায় নতুন প্ৰজন্মৰ আদৰ্শ হৈ ৰৈছে । বিদ্যালয়খনৰ সৰ্বমুঠ ৫৬গৰাকী শিক্ষাৰ্থীয়ে সদ্য ঘোষিত ২০২৪বৰ্ষৰ নিট পৰীক্ষাত সুখ্যাতিৰে উত্তীৰ্ণ হ'বলৈ সক্ষম হয়। বিদ্যালয়খনৰ পৰা ৬৮৫ সৰ্বোচ্চ নম্বৰ লাভ কৰে সৌমদ্বীপ ঘোষই ।