বিত্তীয় প্ৰতিস্থানত ডকাইতি কৰিবলৈ আহি পিস্তলসহ আটক এজন

ডিজিটেল সংবাদ,নগাঁও : বিত্তীয় প্ৰতিস্থানত ডকাইতি কৰিবলৈ আহি আটক হ’ল এজন ৷ বুধবাৰে ঘটনাটো সংঘটিত হৈছে নগাঁও জিলাৰ ৰূপহীহাটত ৷ ৰূপহীহাটৰ শিঙিমাৰীৰ এটা চি এইছ পিত ডকাইতি কৰিবলৈ আহি আটক হ’ল জিয়াবুৰ ৰহমান ৷ জিয়াবুৰৰ সহযোগী এজনে পলায়ন কৰিবলৈ সক্ষম হয় ৷

মটৰ চাইকেলত অহা দুজনীয়া ডকাইতৰ দলটোৰ এজনক ৰাইজে কৰায়ত্ব কৰাৰ লগতে এটা পিস্তলো উদ্ধাৰ কৰিছে ৷ পিস্তলটোৰ লগতে উদ্ধাৰ হৈছে চাৰি জাই সক্ৰিয় গুলী ৷ ইতিমধ্যে ৰূপহীহাটৰ আৰক্ষীয়ে শিঙিমাৰীত উপস্থিত হৈ ডকাইত জিয়াবুৰক জিম্মাত লোৱাৰ লগতে জেৰা আৰম্ভ কৰিছে ৷

Also Read: কনজানটিভাইটিছ: প্ৰতিদিনে ১০০ জনকৈ ৰোগী ধৰা পৰিছে এইমছত...