নগাঁও কংগ্ৰেছত ধুমুহা! সভাপতি সুৰেশ বৰাৰ পদত্যাগ

ডিজিটেল সংবাদ,নগাঁও : নগাঁও জিলা কংগ্ৰেছত ৰাজনৈতিক ধুমুহা ৷ নগাঁও জিলা কংগ্ৰেছৰ সভাপতি সুৰেশ বৰাই ত্যাগ কৰিছে কংগ্ৰেছ দল ৷ কংগ্ৰেছৰ জ্যেষ্ঠ নেতা ৰকিবুল হুছেইনৰ অতিকৈ ঘনিষ্ঠ সুৰেশ বৰাই দলটো ত্যাগ কৰা ঘটনাই তীব্ৰ প্ৰতিক্ৰিয়াৰ সৃষ্টি কৰিছে ৷

এক সুত্ৰৰ পৰা জানিব পৰা মতে সুৰেশ বৰাই বৃহস্পতিবাৰে নিশা লয় এইৰাজনৈতিক সিদ্ধান্ত ৷ নিশা বঢ়মপুৰ বিধানসভাৰ মণ্ডল পৰ্যায়ৰ সকলো নেতাক নিমন্ত্ৰন দিয়ে সুৰেশ বৰাই ৷ সেই মৰ্মে বৰাৰ ইটাচালি বাসভৱনত সমষ্টিটোৰ সকলো নেতা কৰ্মী শুক্ৰবাৰে পুৱা সমবেত হয় ৷

ইয়াতে কংগ্ৰেছৰ সভাপতি সুৰেশ বৰাই দলত্যাগকৰাৰ কথা ঘোষণা কৰে ৷ লগতে কংগ্ৰেছৰ সভাপতি পদৰ পৰা পদত্যাগকৰি পদত্যাগ পত্ৰ শীৰ্ষ নেতৃত্বলৈ প্ৰেৰণ কৰা বুলি দলীয় নেতা কৰ্মী সকলক অবগত কৰে ৷ অৱশ্যে এই বিষয়ে নেতা সুৰেশ বৰাই ৰাজহুৱা মন্তব্য সংবাদ মাধ্যমৰ আগত দিয়া নাই ৷

Also Read: কাজিৰঙা ৰাষ্ট্ৰীয় উদ্যানত হাতীৰ মৃত্যু, খাদ্যৰ অভাৱত প্ৰাণ যোৱাৰ অভিযোগ