ডিজিটেল ডেস্কঃ নলবাৰী জিলাৰ ক্ষুদ্ৰ কটৰাত আজি সংঘটিত হৈছে এক কৰুণ ঘটনা। দুগৰাকী কিশোৰীয়ে পুখুৰীত গা ধুবলৈ গৈ মৃত্যুক সাৱটি লবলগীয়া হোৱা ঘটনাই সমগ্ৰ অঞ্চলটোত শোকৰ ছাঁ পেলাইছে।
জানিব পৰা মতে গৰম বন্ধ উপলক্ষে ক্ষুদ্ৰ কটৰাত থকা মোমায়েকৰ ঘৰলৈ ফুৰিবলৈ গৈছিল ধমধমাৰ অংকিতা শৰ্মা আৰু টিহুৰ দীক্ষিতা শৰ্মা। এই দুয়ো কিশোৰীয়ে আজি পুখুৰীত গা ধুবলৈ গৈ মৃত্যুক সাৱটি লয়।
ইয়াৰ পিছতে স্থানীয় আৰক্ষীৰ উপস্থিতিত মৃত দুয়ো কিশোৰীকে উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰা হয়। জানিব পৰা মতে দুয়ো গৰাকী কিশোৰীৰে মৃতদেহ বৰ্তমান মৰ্গতে ৰখা হৈছে।
