ৰেলৰ পৰা নামিব লওতেই পিছলি পৰি অন্য এখনৰ চেপাত মৃত্যু এজনৰ...

ডিজিটেল সংবাদ , বেবেজীয়া: নগাঁও জিলাৰ বেবেজীয়া ৰে'ল ষ্টেচনত বুধবাৰে পুৱাতেই এজন লোকৰ প্ৰাণহানি হয়। ৰেলৰ চেপাত নিহত লোকজন ইছলাম আলি বুলি চিনাক্ত হৈছে। জাজৰি অঞ্চলত ধোবা হিচাপে কৰ্মৰত লোকজনে শিলঘাট-গুৱাহাটী পেচেঞ্জাৰ ৰেলখনৰ পৰা নামিব লওঁতেই অসাৱধানবশত পিছলি পৰে আৰু সেই মূহুৰ্তত ষ্টেশ্যন এৰা ৰে'লখনে লোকজনক মহতিয়াই নিয়ে ।

ছিন্ন-ভিন্ন হৈ পৰে বিহাৰৰ ক্ষুদ্ৰ ব্যৱসায়ী গৰাকীৰ মৃতদেহ । নগাঁৱৰ পৰা বিহাৰলৈ গমন কৰা কোনো চিনাকী ব্যক্তিৰ হাতত তেওঁৰ পৰিয়াললৈ কিছু সামগ্ৰী পঠিয়াবলৈ গৈয়ে আকস্মিক মৃত্যুক আকোঁৱালি ল'বলগীয়া হয় লোকজনে । পুৱাতেই সংঘটিত এই মৰ্মান্তিক ঘটনাই এতিয়া শোকাচ্ছন্ন কৰি তুলিছে সমগ্ৰ বেবেজীয়া আৰু জাজৰি অঞ্চল। পৰৱৰ্তী সময়ত ঘটনাস্থলীত ৰে'ল আৰক্ষী উপস্থিত হৈ লোকজনৰ ছিন্ন-ভিন্ন দেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ।

Also Read: ''মই লজ্জিত আৰু দুখী অনুভৱ কৰিছো'' মহিলাক লৈ কৰা মন্তব্যৰ বাবে ক্ষমা খুজিলে বিহাৰৰ মুখ্য়মন্ত্ৰীয়ে