লামডিঙত শ্ৰী সত্য সাই সাধনা নিলয়ম বাবাৰ মন্দিৰ উদ্বোধন

ডিজিটেল সংবাদ, লামডিংঃ বুধবাৰে লামডিঙত শ্ৰী সত্য সাই সাধনা নিলয়ম বাবাৰ মন্দিৰৰ শুভ উদ্বোধন হয় । ২০১৭ চনৰ পৰা শ্ৰী সত্য সাই সাধনা নিলয়মৰ ভক্তসকলে বাবাৰ পূজা আৰাধনা কৰাৰ লগতে ধৰ্ম প্ৰচাৰ কৰি আহিছিল । কভিদ ১৯ সময়ছোৱাত বন্ধ হৈ পৰিছিল মন্দিৰৰ কাম কাজ । পৰৱৰ্তী সময়ত লামডিং কালিবাড়ি শান্তিপাৰাত মন্দিৰ নিৰ্মান কৰি আজি বাবাৰ প্রতিমূতিৰ প্ৰাণ প্ৰতিষ্ঠা কৰে ।

বাবাৰ প্ৰাণ প্ৰতিষ্ঠাৰ কৰাৰ উপলক্ষে লামডিং সত্য সাই সাধনা নিলয়ম মন্দিৰ পৰা ধৰ্মীয় শোভাযাএা উলোৱাই ভক্তসকলে । বেদ আৰু যজ্ঞৰে অঞ্চলজুৰি বাবাৰ নামেৰে মুখৰিত হৈ পৰিছে ৷ অসমৰ বিভিন্ন প্ৰান্তৰ পৰা সত্য সাইৰ শিষ্য সকল আহি উপস্থিত হৈছে বুধবাৰৰ এই অনুষ্ঠানত । আজিৰ এই উদ্ধোধনী অনুষ্ঠানত হৰি -কীৰ্তন, নাম -প্ৰসংগৰে উত্তৰ পূৱ ভাৰতৰ Zonal সভাপতি সত্যেন শৰ্মাই সাই সত্য মন্দিৰ উদ্ধোধন কৰাৰ লগতে এটি কৃষ্ণ মূৰ্তি উন্মোচন কৰে নৰসিংহ দাস ব্ৰহ্মচাৰী দেৱে । গোটেই দিন জোৰা কাৰ্য্যসুচিৰে আৰম্ভ হোৱা এই অনুষ্ঠানত উত্তৰ পূৱ ভাৰতৰ Zonal সভাপতি সত্যেন শৰ্মাৰ লগতে গুৱাহাটী নগাঁও ডিব্ৰগড়ৰ পৰা আদি কৰি বিভিন্ন অঞ্চলৰ পৰা উপস্থিত হৈছে ভক্ত সকল।

Also Read: জাজৰি ঢলপুৰীয়াত ‌মহাৰজত জয়ন্তীৰ সাংস্কৃতিক শোভাযাত্ৰা