![নিষিদ্ধ দ্ৰব্যৰ বিৰুদ্ধে বৃহৎ অভিযান](http://media.assettype.com/asomiyapratidin%2Fimport%2Fwebsite%2F2018%2F08%2Fbreaking-Plate.jpg?w=480&auto=format%2Ccompress&fit=max)
ডিজিটেল ডেস্কঃ দক্ষিণ কামৰূপৰ কুকুৰমাৰাত নিষিদ্ধ দ্ৰব্যৰ বিৰুদ্ধে আৰক্ষীয়ে এক বৃহৎ অভিযান হাতত লয় । কামৰূপৰ অতিৰিক্ত আৰক্ষী অধীক্ষক কল্যাণ কুমাৰ পাঠকৰ নেতৃত্বত চলে এই অভিযান ।
গোপন সূত্ৰৰ তথ্য অনুসৰি গুৱাহাটীৰ পৰা মানকাচাৰ অভিমুখে আহি থকা AS-01, FC-3133 নম্বৰৰ চুপাৰ বাছখনৰ ভিতৰত হিৰোয়িণ থকাৰ সম্ভেদ পাই গুৱাহাটীৰ পৰা অনুসৰণ কৰি আহিছিল কামৰূপৰ অতিৰিক্ত আৰক্ষী অধীক্ষক কল্যাণ কুমাৰ পাঠকৰ নেতৃত্বত অহা দলটোৱে ।
উক্ত বাছখনতে হিৰোয়িণ সহ আটক কৰে মানকাচাৰৰ আব্দুল কায়মক নামৰ এজন লোকক । কুকুৰমাৰা টাউন পোৱাৰ লগে লগে কামৰূপ আৰক্ষীক সহযোগ কৰি ছয়গাঁও আৰক্ষীয়ে জব্দ কৰে প্ৰায় ২৯ লাখ ৬০ হাজাৰ টকাৰ নিষিদ্ধ দ্ৰব্য । এইপৰ্যন্ত ছয়গাঁও আৰক্ষী থানাতে জেৰা কৰি থকা হৈছে ড্ৰাগছ সৰবৰাহকাৰী আব্দুল কায়মক ।