![ড° প্ৰণৱজ্যোতি ডেকাৰ মৃত্যুত লুৰীণজ্যোতি গগৈৰ শোকপ্ৰকাশ](http://media.assettype.com/asomiyapratidin%2F2024-04%2F08673026-eeff-4d5f-9e19-19f95135aca4%2Flurin.jpg?w=480&auto=format%2Ccompress&fit=max)
ডিজিটেল ডেস্কঃ বিশিষ্ট সাহিত্যিকঅৱসৰপ্ৰাপ্ত অধ্যাপক তথা সাহিত্য অকাডেমী বঁটা প্ৰাপক ড০ প্ৰণৱ জ্যোতি ডেকায়ে শনিবাৰে হাঁওফাঁওৰ সংক্ৰমণ আৰু হৃদযন্ত্ৰ সম্পৰ্কীয় সমস্যাত শেষ নিশ্বাস ত্যাগ কৰে।
শব্দশিল্পৰ সাধক ড° প্ৰণৱজ্যোতি ডেকাৰ মহাপ্ৰয়াণ জাতীয় জীৱনৰ অপূৰণীয় ক্ষতি৷ বিশ্বমানৰ গল্প, উপন্যাসৰ জৰিয়তে অসমীয়া সাহিত্যক সমৃদ্ধ কৰা স্বনামধন্য সাহিত্যিকগৰাকীৰ বিয়োগে অসমৰ সাহিত্য আৰু বৌদ্ধিক পৰিমণ্ডলত গভীৰ শূন্যতাৰ সৃষ্টি কৰিলে৷
এগৰাকী অধ্যাপক, অভিধান প্ৰণেতা আৰু ভূ-তত্ত্ববিদ হিচাপে প্ৰভূত বৰঙণি আগবঢ়াই যোৱা ড° ডেকাৰ সৃষ্টি-দৃষ্টি-দৰ্শনক জাতিয়ে চিৰকাল শ্ৰদ্ধাৰে স্মৰণ কৰি যাব৷ সদ্যপ্ৰয়াত সাহিত্যিকগৰাকীলৈ অজাপৰ সভাপতি লুৰীণজ্যোতি গগৈয়ে গভীৰ শ্ৰদ্ধাঞ্জলি নিবেদন কৰিছে৷ লগতে, শোকসন্তপ্ত পৰিয়ালবৰ্গ আৰু গুণমুগ্ধলৈ সমবেদনা জ্ঞাপন কৰিছে৷