নগাঁৱত ৪০০ বেগ চোৰাং চাউল জব্দ, দুজনক আটক

ডিজিটেল সংবাদ,নগাঁও : নগাঁও আৰক্ষীয়ে জব্দ কৰিছে ৪০০ বেগ চোৰাং চাউল ৷ এখন ট্ৰাকত চোৰাঙকৈ ৪০০ বেগ চাউল শুকুৰবাৰে নিশা সৰবৰাহ কৰিবলৈ লওঁতে ট্ৰাকসহ চাউলখিনি জব্দ কৰিছে আৰক্ষীয়ে ৷

নিশা নগাঁৱৰ হয়বৰগাঁও টাউন আৰক্ষী চকীৰ এটা দলে গোপন সুত্ৰৰ পম খেদি টকৌবাৰীত অভিযান চলায় ৷ এই অভিযানত এ এছ ০৯ এ চি ০৫৭৫ নম্বৰৰ ট্ৰাকখনত তালাচী চলায় ৷ তালাচীৰ সময়তে চোৰাঙকৈ চাউল সৰবৰাহ কৰা ঘটনা পোহৰলৈ আহে ৷

ট্ৰাক খনত চাউলখিনি জুৰীয়াৰ পৰা নগাঁৱলৈ বুলি অনা হৈছিল ৷ বালুকটীয়াত চাউলখিনি মজুত কৰা হৈছিল ৷ জানিব পৰা মতে নগাঁৱৰ কোনো স্থানত চাউল খিনিৰ বিপৰীতে নকল চালান প্ৰস্তুত কৰাৰ কথা আছিল ৷ চোৰাং চাউলৰ কঢ়িয়াই অনা ট্ৰাকখনৰ চালক মোহম্মদ নুৰুউদ্দিনৰ লগতে হেণ্ডিমেনক আৰক্ষীয়ে আটক কৰিছে ৷ আৰক্ষীয়ে জনোৱা মতে এই চোৰাং চাউলৰ ব্যৱসায়ৰে খাইৰুল ইছলাম নামৰ এজন লোক জৰিত থকা তথ্য আৰক্ষীয়ে লাভ কৰিছে ৷

আৰু পঢ়ক: কংগ্ৰেছ ত্যাগ, গোলাম নবী আজাদে শীঘ্ৰেই গঠন কৰিব নতুন ৰাজনৈতিক দল…