ডিজিটেল সংবাদ, বিহপুৰীয়া : দেওবাৰে নিশা বিহপুৰীয়াত সংঘটিত হৈছে ভয়ঙ্কৰ পথ দুৰ্ঘটনা। অচিনাক্ত বাহনৰ খুন্দাত থিতাতে নিহত হয় এজন লোক।
নিহত লোকজনৰ নাম দুগ্ধ বৰা বুলি চিনাক্ত কৰা হৈছে। এটা বিস্কুট ফেক্টৰিত কৰ্মৰত যুৱকজনে কৰ্ম সামৰি দুচকীয়া বাহনেৰে ঘৰলৈ ওভতাৰ সময়তে সংঘটিত হয় দুৰ্ঘটনাটো।
যুৱকজনৰ ঘৰ বিহপুৰীয়াৰ কাছিকটাত । ৰাইজৰ সন্দেহ নিশা দ্ৰুতবেগী গুৱাহাটী অভিমুখী কোনো বাহনে যুৱকজনক মহতিয়াই গৈছে। সম্প্ৰতি এই ঘটনা সম্পৰ্কত আৰক্ষীয়ে তদন্ত আৰম্ভ কৰিছে ।
