ডিজিটেল ডেস্ক : মেঘালয়স্থিত ইউ এচ টি এমত আয়ুৰ্বেদিক চিকিৎসা মহাবিদ্যালয়ৰ শৈক্ষিক চৌহদ উদ্বোধনী কাৰ্য্যসূচীৰ আয়োজন কৰা হয়। মঙলবাৰে অনুষ্ঠিত কৰা এই কাৰ্য্যসূচীত শৈক্ষিক চৌহদটো আনুষ্ঠানিকভাৱে উদ্বোধন কৰে আয়ুষ,বন্দৰ,জাহাজ আৰু জলপথ দপ্তৰৰ কেন্দ্ৰীয় মন্ত্ৰী সৰ্বানন্দ সোণোৱালে।
এই অত্যাধুনিক নতুন আন্তঃগাঁথনিত উন্নত গৱেষণা কেন্দ্ৰ,কেন্দ্ৰীয় যন্ত্ৰপাতিৰ সুবিধা আৰু নৱ নিৰ্মিত আয়ুৰ্বেদিক চিকিৎসা মহাবিদ্যালয়খনৰ বিভিন্ন বিভাগ থাকিব বুলি জানিবলৈ দিয়ে। এই অনুষ্ঠানত শিক্ষানুষ্ঠানখনৰ আচাৰ্য মহবুবুল হক,উপাচাৰ্য অধ্যাপক জি ডি শৰ্মা,ভালেসংখ্যক ছাত্ৰ-ছাত্ৰীৰ লগতে বিভিন্ন ক্ষেত্ৰৰ গণ্যমাণ্য ব্যক্তিসকল উপস্থিত থাকে।
অনুষ্ঠানত মন্ত্ৰী সোণোৱালে উদ্বোধনী ভাষণত সর্বানন্দ সোণোৱালে কয়- 'এম হকৰ নেতৃত্বত এক দূৰদৰ্শী পদক্ষেপ, অত্যাধুনিক সুবিধা দেখি মই আচৰিত হৈছো । ইতিমধ্যে বিজ্ঞানীসকলে গৱেষণামূলক কাম কৰি থকা অত্যাধুনিক গৱেষণাগাৰটো পৰিদৰ্শন কৰাৰ পিছত মই অতিশয় আনন্দিত হৈছো।
প্রতিষ্ঠানটোক অধিক উন্নত কৰাৰ বাবে মন্ত্রালয়ে প্রয়োজনীয় সকলো সহায় আগবঢ়াব।' তেওঁ আয়ুর্বেদ দলটোক পাঠদান-শিক্ষণ আৰু মানসম্পন্ন স্বাস্থ্যসেৱাৰ লগতে উত্তৰ-পূৰ্বাঞ্চলৰ ঔষধি উদ্ভিদৰ ওপৰত বিস্তৃত গৱেষণাৰ ওপৰত গুৰুত্ব দিবলৈ আহ্বান জনায়।
তেওঁ কয়- 'এই আগশাৰীৰ প্ৰতিষ্ঠানখনৰ সম্প্ৰসাৰণ অঞ্চলটোত পৰম্পৰাগত ঔষধৰ ভূমিকাক আগুৱাই নিয়াৰ ক্ষেত্ৰত সহায়ক ভূমিকা ল'ব পাৰে। প্রধানমন্ত্রী মোদীৰ দৃষ্টিভংগী হৈছে ফলপ্ৰসু আৰু কাৰ্যক্ষম স্বাস্থ্যসেৱা ব্যৱস্থা গঢ়ি তোলা। গৱেষণাৰ সামৰ্থ্য আৰু সম্প্ৰসাৰণ তথা পৰম্পৰাগত ঔষধৰ বৈজ্ঞানিক ভিত্তি গঢ়ি তোলাৰ বাবে নিৰন্তৰ প্ৰেৰণাৰে এই লক্ষ্যত উপনীত হোৱাৰ দিশত আই এ এ এম চিয়ে গুৰুত্বপূর্ণ ভূমিকা পালন কৰিব বুলি মই বিশ্বাস কৰো।' বুলি মন্ত্ৰী সোণোৱালে মন্তব্য কৰে।
অনুষ্ঠানত আচাৰ্য মহবুবুল হকে কয়- 'অদূৰ ভৱিষ্যতে ২০৩০ চনৰ আগতে ইউ এছটি এম চৌহদত গৱেষণাৰ লগতে সকলো স্বাস্থ্যসেৱা বিভাগ এলোপেথী, উনানি, সিদ্ধ আৰু হোমিঅ'পেথী বিভাগ থাকিব।' বুলি হকে মন্তব্য কৰে।
উল্লেখযোগ্য যে ১০০ খন বিছনাযুক্ত এই চিকিৎসালয়খনত শিশু, জেৰিয়াট্রিক আৰু সাধাৰণ জনসাধাৰণৰ বাবে অপিডি পৰামৰ্শ, ঔষধ, নিয়মীয়া ৰক্তবিজ্ঞান আৰু জৈৱ ৰসায়নৰ বাবে পৰীক্ষাগাৰৰ সুবিধা প্ৰদান কৰা হৈছে। আই এ এ এম চি চৌহদৰ চিকিৎসালয়খন দুর্ঘটনা আৰু জৰুৰীকালীন চিকিৎসাৰ ব্যক্তিগত ৱাৰ্ড, লেবাৰ কম, অপাৰেচন থিয়েটাৰ, যোগ কেন্দ্র, ফিজিঅ'থেৰাপি ইউনিট, পঞ্চকর্মা ইউনিট আদিৰে সুসজ্জিত। ইচিজি, ইউএছজি, এক্স-ৰে, লেবৰেটৰী আদি পৰীক্ষাৰ সুবিধাও উপলব্ধ আছে।
চিকিৎসালয়খনৰ বিভিন্ন শাখাসমূহ হ'ল কায়াচিকিৎসা ( আয়ুর্বেদিক ঔষধ, শৈল্য (অস্ত্ৰোপচাৰ), প্রসূতি তন্ত্ৰ আৰু স্ত্রী ৰোগ (প্ৰসূতি আৰু স্ত্ৰীৰোগ), শালকা (ই এন টি), নেত্ৰ ৰোগ (চকু চিকিৎসা), কুমাৰভৃত্য (শিশু চিকিৎসা), শাস্ত্র ভৃত্য (যোগ আৰু সুস্থতা কেন্দ্ৰ), জেৰিয়াট্রিক কেয়াৰ ক্লিনিক, ২৪ ঘণ্টীয়া ফাৰ্মাচী সেৱা, ২৪ ঘণ্টীয়া এম্বুলেন্স সেৱা আৰু কেন্টিন সেৱা। ২৪ ঘণ্টীয়া পৰীক্ষাগাৰৰ সেৱাসমূহৰ ভিতৰত আছে ইউএছজি, ইচিজি, এক্স-ৰে, পঞ্চকৰ্ম থেৰাপী, অবয়ংগা, স্নেহান, ছুইডান, বামনা, বীচেনা, নাছ্যা, বাস্তী, শিৰোধৰা আৰু ৰক্তমোক্ষনা।
