সত্ৰীয়া নৃত্য-গীত বাদ্যৰ বিদ্যালয়ৰ শুভ উদ্বোধন…

ডিজিটেল সংবাদ, নাহৰকটীয়া: দেওবাৰে নাহৰকটীয়া উচ্চতৰ মাধ্যমিক বিদ্যালয়ৰ প্ৰেক্ষাগৃহত সত্ৰীয়া জ্যোতি কলা কেন্দ্ৰ নামেৰে এখন সত্ৰীয়া নৃত্য-গীত বাদ্যৰ বিদ্যালয়ৰ শুভ উদ্বোধন হয়। সত্ৰীয়া সত্ৰ গুৱাহাটীৰ পাঠ্যক্ৰমৰ ভিত্তিত উদ্বোধন হয় এই বিদ্যালয় খনৰ।

এই অনুষ্ঠানৰ বন্তি প্ৰজ্বলন কৰে বিদ্যালয় খনৰ অধ্যক্ষ তৰংধা কল্লোল শইকীয়াই। লগতে বৰগীত পৰিৱেশন কৰে দুলিয়াজানৰ প্ৰতিষ্ঠিত শিল্পী অনিতা তামুলীয়ে।

এই অনুষ্ঠানত কঠালগুলি উচ্চতৰ মাধ্যমিক বিদ্যালয়ৰ অধ্যক্ষ উৎপল গগৈ,  সংগীত সত্ৰৰ সাদাৰণ সম্পাদিকা ৰজুমণি শইকীয়া, কমল মজুমদাৰে ধৰি বহু কেইজন বিশিষ্ট ব্যক্তি।

সভাত কেইবাগৰাকী বিশিষ্ট ব্যক্তিয়ে ভাষণ প্ৰদান কৰি সত্ৰীয়া বিদ্যালয়খনৰ সহযোগিতা আগবঢ়াবলৈ সকলোকে আহ্বান জনায়।