জ্যেষ্ঠ নাগৰিক সন্মিলনৰ সামৰণি

ডিজিটেল ডেস্কঃ অসম চৰকাৰৰ সামাজিক ন্যায় আৰু সৱলীকৰণ বিভাগৰ অধীনত অসম জ্যেষ্ঠ নাগৰিক কল্যাণ পৰিষদৰ উদ্যোগত জ্যেষ্ঠ নাগৰিক সন্থাৰ সহযোগত আয়োজিত শ্ৰীমন্ত শংকৰদেৱ আন্তঃৰাষ্ট্ৰীয় প্ৰেক্ষাগৃহত শুকুৰবাৰে অসমৰ জ্যেষ্ঠ নাগৰিকৰ দুদিনীয়া সন্মিলনৰ সামৰণি পৰে। যোৱা ২২ ফেব্ৰুৱাৰীত অসমৰ মাননীয় ৰাজ্যপাল গুলাব চন্দ কাটাৰিয়াই কনক্লেভ উদ্বোধন কৰে ৷

ৰাজ্যৰ বিভিন্ন প্ৰান্তৰ পৰা প্ৰায় ৮০০ প্ৰতিনিধিয়ে কনক্লেভত যোগদান কৰে । পৰিষদৰ অধ্যক্ষ ড০ প্ৰদীপ ঠাকুৰিয়াই আদৰণি ভাষণ প্ৰদান কৰে। উদ্বোধনী ভাষণত মাননীয় ৰাজ্যপাল ডাঙৰীয়াই জ্যেষ্ঠ নাগৰিক কল্যাণ পৰিষদৰ প্ৰচেষ্টাক অতিশয় শলাগ লৈ বৃদ্ধ নাগৰিকৰ দক্ষতা আৰু জ্ঞানক ৰাজ্যৰ সামগ্ৰিক কল্যাণৰ বাবে ব্যৱহাৰ কৰাৰ বাবে উদ্যোগ লোৱাৰ বাবে পৰামৰ্শ আগবঢ়ায়। পঞ্চায়ত আৰু গ্ৰামোন্নয়ন মন্ত্ৰী শ্ৰীযুত ৰঞ্জিত দাস ডাঙৰীয়াই এই কাৰ্যসূচীত সন্মানীয় অতিথি হিচাপে অংশগ্ৰহণ কৰে।

উদ্বোধনী কাৰ্যসূচীত সামাজিক ন্যায় আৰু সবলীকৰণৰ আয়ুক্ত আৰু সম্পাদক ভি কে মিত্তল , নাগালেণ্ড বিশ্ববিদ্যালয়ৰ চ্যান্সেলৰ ড° সমুদ্ৰ গুপ্ত কাশ্যপ , সামাজিক ন্যায় আৰু সৱলীকৰণৰ সঞ্চালক শ্ৰীযুত ভাস্কৰ দাস , সুৰেশ শইকীয়া সভাপতি আৰু বানেশ্বৰ খাউণ্ড , অসমৰ জ্যেষ্ঠ নাগৰিক সন্থাৰ কাৰ্যকৰী সভাপতি উপস্থিত থাকে ৷

দ্বিতীয় দিনা অসমৰ জ্যেষ্ঠ নাগৰিকৰ বাবে ৰাজ্যিক নীতিৰ ওপৰত এখন পেনেল আলোচনা অনুষ্ঠিত হয় , য'ত জ্যেষ্ঠ নাগৰিক কল্যাণ পৰিষদৰ উপ অধ্যক্ষ শ্ৰীযুত অশোক বৰঠাকুৰ, চৰকাৰী পেঞ্চনাৰ সন্থাৰ সভাপতি শ্ৰীযুত এছ আৰ শইকীয়া, শ্ৰীযুত মোহন চন্দ্ৰকে ধৰি কেইবাগৰাকীও বিশিষ্ট জ্যেষ্ঠ নাগৰিকে মালাকাৰ, অসমৰ অৱসৰপ্ৰাপ্ত মুখ্য বন সংৰক্ষক , অসম ৰাজ্যিক শিশু অধিকাৰ সুৰক্ষা আয়োগৰ প্ৰাক্তন অধ্যক্ষ ড০ সুচিত্ৰ কাকোটি , অসমৰ স্বাধীনতা সংগ্ৰামী সন্থাৰ সম্পাদক শ্ৰীযুত দ্বিজেন্দ্ৰ মোহন শৰ্মা , জে বি কলেজৰ প্ৰাক্তন অধ্যক্ষ ড০ বিজয় শৰ্মা ড বলেন্দ্ৰ দাস, সভাপতি , অসম অৱসৰপ্ৰাপ্ত মহাবিদ্যালয় শিক্ষক সন্মিলন , শ্ৰী মনোজ দাস, নেডফিৰ প্ৰাক্তন ডি জি এম উপস্থিত থাকে।

ইয়াৰোপৰি ড° জগন্নাথ পাটগিৰি, প্ৰাক্তন অধ্যাপক , প্ৰাগজ্যোতিষ মহাবিদ্যালয় , শ্ৰীযুত প্ৰসানা বৰঠাকুৰ, সাধাৰণ সম্পাদক, জ্যেষ্ঠ নাগৰিক সন্থা , শ্ৰীমতী ভায়োলেট বৰুৱা, আই পি এছ ( অৱসৰপ্ৰাপ্ত) , শ্ৰী হাছিবুৰ ৰহমান, ভাৰতৰ প্ৰাক্তন অতিৰিক্ত উকীল মহাবিদ্যালয় , ড° সুনীল পৱন বৰুৱা, বি বৰুৱা মহাবিদ্যালয়ৰ প্ৰাক্তন অধ্যক্ষ, কটন মহাবিদ্যালয়ৰ প্ৰাক্তন অধ্যাপক ড০ অপৰ্ণা বুজাৰবৰুৱাই এই আলোচনাত সক্ৰিয়ভাৱে অংশ গ্ৰহণ কৰে।

Also Read: খালৈগাঁৱৰ তেল ডিপোত ভেজাল তেল বিতৰণৰ অভিযোগ