১৫ দিন পূৰ্বে ওলাইছিল জেলৰ পৰা! পুনৰ বহিঃ ৰাজ্যৰ যুৱতীক ধৰ্ষণৰ অপচেষ্টা কিশোৰৰ

ডিজিটেল ডেস্কঃ সত্ৰ নগৰী মাজুলীত জঘন্য কাণ্ড। বহিঃ ৰাজ্যৰ যুৱতীক ধৰ্ষণৰ অপচেষ্টা চলাই আটক ১৬ বছৰীয়া কিশোৰে। বৃহস্পতিবাৰে দিনৰ ভাগত সংঘটিত হয় এই ঘটনা।মাজুলীৰ অফলামুখ ফেৰীঘাটৰ সন্মুখত সংঘটিত হয় দুৰ্ঘটনাটো। হায়দৰাবাদৰ পৰা মাজুলী ফুৰিবলৈ আহিছিল যুৱতী গৰাকী।

ঘটনাৰ বিৱৰণী অনুসৰি ই-ৰিক্সাৰ পৰা নামি খোজ কাঢ়ি গৈ আছিল যুৱতী গৰাকী। তেতিয়াই কিশোৰ জনে জংঘললৈ টানি নি যুৱতী গৰাকীক ধৰ্ষণৰ অপচেষ্টা চলায়।

যুৱতী গৰাকীৰ চিঞৰ শুনি বাটৰুৱাই জংঘলৰ মাজলৈ গৈ উদ্ধাৰ কৰে যুৱতী গৰাকীক। তেতিয়াই পলায়ন কৰে অভিযুক্ত কিশোৰজন। উদ্ধাৰৰ সময়ত যুৱতী গৰাকীৰ মুখত তেজ প্ৰত্যক্ষ কৰিছিল বুলি জনাই স্থানীয় ৰাইজে। যুৱতী গৰাকীক মাৰধৰ কৰাৰো সন্দেহ কৰা হৈছে।

অভিযুক্তক ইতিমধ্যে আটক কৰিছে আৰক্ষীয়ে। উল্লেখ্য যে, প্ৰায় ১০-১৫ দিন পূৰ্বে জেলৰ পৰা বাহিৰ হৈছিল অভিযুক্ত। এই ঘটনাই সমগ্ৰ অঞ্চলটোত চাঞ্চল্যৰ সৃষ্টি কৰিছে। ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে।

Also Read: ২০০ বছৰীয়া পৰম্পৰা! বটদ্ৰৱাৰ দীঘলী বিলত মাছ ধৰিলে গঞা ৰাইজে