ডিজিটেল সংবাদ,বেবেজীয়াঃ ৰূপকোঁৱৰ জ্যোতিপ্ৰসাদ আগৰৱালাৰ ৭৪ তম স্মৃতি দিৱস দিনযোৰা কাৰ্যসূচীৰে চচল শতদল শাখা সাহিত্য সভাৰ প্ৰেক্ষাগৃহত শিল্পী দিৱস উদযাপন কৰা হয় ৷
অনুষ্ঠানৰ অংশ হিচাপে সাহিত্য সভাৰ পতাকা উত্তোলন কৰে শাখাৰ উপ-সভাপতি ড° মিনেশ্বৰ হাজৰিকাই ৷ ৰূপকোঁৱৰৰ প্ৰতিচ্ছবিত বন্তি প্ৰজ্বলনেৰে স্মৃতি তৰ্পন কৰে শাখাৰ প্ৰাক্তন সভাপতি ফণিধৰ ডেকাই ৷
পুৱা ১০ বজাত শাখাৰ সভাপতি সাহিত্যিক থানেশ্বৰ মালাকাৰৰ সভাপতিত্বত শিল্পী দিৱসৰ মুকলি সভা অনুষ্ঠিত হয়। সভাত মুখ্য অতিথি হিচাপে উপস্থিত থাকে বিশিষ্ট ঔপন্যাসিক, গল্পকাৰ, প্ৰৱন্ধকাৰ, বিশিষ্ট সাহিত্যিক তথা 'অনুৰাধা দেশ' ৰ শ্ৰষ্ঠা ফনীন্দ্ৰ কুমাৰ দেৱচৌধুৰী ৷
সভাত বিশিষ্ট সঙ্গীত শিল্পী , সুৰকাৰ, গীতিকাৰ, বাঁহীবাদক, কবি , চিত্ৰ-ভাস্কৰ্য শিল্পী তথা সদ্যঘোষিত অসম চৰকাৰৰ সাংস্কৃতিক বিভাগৰ শিল্পী পেঞ্চনাৰ অশ্বিনী শৰ্মাক জীৱনযোৰা সাধনাৰ বাবে ফুলাম গামোচা, জাপি, চেলেং, শ্বল, শৰাই, সম্বৰ্ধনা পত্ৰ আৰু শিল্পী স্মাৰকেৰে 'শিল্পী' সম্বৰ্ধনা জনোৱা হয় ৷
সভাত বিভিন্নজনৰ জ্যোতি সঙ্গীত, কবিতা আবৃতি, গীত-মাতেৰে সভাগৃহ মুখৰিত হয় ৷ শেষত মুকলি সভা অসম সংগীতেৰে সফল সামৰণি পৰে ৷
