ডিজিটেল সংবাদ,শিলচৰ : সমগ্ৰ অসমৰ লগতে কাছাৰতো ড্ৰাগছৰ বিৰুদ্ধে অৱ্যাহত আছে আৰক্ষীৰ অভিযান। ধলাই থানাৰ আৰক্ষীয়ে দেওবাৰে অভিযান চলাই কাটাখালৰ পৰা জব্দ কৰিছে বুজন পৰিমাণৰ নিচাজাতীয় য়াবা টেবলেট।
এখন স্কুটীৰ পৰা জব্দ কৰা হয় ৩০ হাজাৰ য়াবা টেবলেট। জব্দ কৰা টেবলেটৰ মূল্য ৯ কোটি টকা বুলি জানিবলৈ দিছে আৰক্ষীয়ে। টেবলেটখিনি বিক্ৰী কৰিবলৈ নিয়া সময়ত আৰক্ষীয়ে জব্দ কৰে।
ইয়াৰোপৰি টেবলেটৰ সৈতে এজন সৰবৰাহকাৰীকো আটক কৰে। ধৃত লোকজনৰ নাম আব্দুল আলিম। আব্দুল আলিমৰ ঘৰ ধলাই সপ্তগ্ৰামত।
