কাছাৰৰ দিগৰখালত নিষিদ্ধ দ্ৰব্যসহ দুজনক আটক...

ডিজিটেল সংবাদ শিলচৰ: ড্ৰাগছৰ বিৰুদ্ধে অভিযান চলাই কাছাৰ আৰক্ষীয়ে দুজন ড্ৰাগছ সৰবৰাহকাৰীক আটক কৰিছে। মেঘালয় সীমান্তৱৰ্তী দিগৰখাল টোলগেটত আটক কৰা হয় সৰবৰাহকাৰী দুজনক। গোপন তথ্যৰ ভিত্তিত AS01AM- 0131 নম্বৰৰ‌ চাৰি চকীয়া বাহনখনত তালাচী চলাই আৰক্ষীয়ে জব্দ কৰে সাতটা হেৰ'ইন ভৰ্তি চাবোনৰ বাকচ।‌

বাকচ কেইটাৰ পৰা প্ৰায় ৬৯ গ্ৰাম সন্দেহজনক হেৰ'ইন জব্দ কৰা হয়। জব্দ কৰা হেৰ'ইনৰ আনুমানিক বজাৰ মূল্য প্ৰায় ৩৫ লাখ টকা বুলি সদৰী কৰিছে আৰক্ষীয়ে।‌

নিষিদ্ধ ড্ৰাগছ সৰবৰাহৰ অভিযোগত আৰক্ষীয়ে দুজন ব্যক্তিক আটক কৰিছে। ধৃত লোক দুজন কাছাৰ জিলাৰ লক্ষীপুৰ চিংগিৰবন্দৰ ৰাছুল হুছেইন লস্কৰ আৰু বাচকান্দি তৃতীয় খণ্ডৰ ৰেবুল হুছেইন বৰভূঞা।

Also Read: চৰাইদেউ লাকুৱাত চাঞ্চল্যকৰ ঘটনাঃ দহ দিনৰ পাছত গাঁত খান্দি উদ্ধাৰ মৃতদেহ