সোণাৰিৰ জৱকাত ভয়ংকৰ পথ দুৰ্ঘটনাঃ এগৰাকী মহিলা নিহত, ৮ গৰাকী আহত...

ডিজিটেল সংবাদ সোণাৰিঃ চৰাইদেউ জিলাৰ সোণাৰিৰ জৱকা চাহ বাগিচাৰ সমীপত আজি বিয়লি সংঘটিত এক ভয়ংকৰ পথ দুৰ্ঘটনাত এগৰাকী মহিলা নিহত হোৱাৰ লগতে আন ৮ গৰাকী মহিলা গুৰুতৰভাৱে আহত হয়। সোণাৰিৰ গুৱালাপথাৰ দিশৰ পৰা টাউকক অঞ্চললৈ এখন বলেৰ’ পিকআপ (AS-04, BC-4325) বাহনে কেঁচা চাহপাতসহ মহিলা শ্ৰমিক কঢ়িয়াই নিয়াৰ পথত জৱকা চাহ বাগিচা হাস্পতালৰ সন্মুখত বাহনখন দুৰ্ঘটনাগ্ৰস্ত হয় ৷

তীব্ৰ গতিৰে যোৱা বাহনখনৰ চালকে নিয়ন্ত্ৰণ হেৰুৱাই পথৰ দাঁতিত থকা উচ্চ বিদ্যুৎ পৰিবাহী খুঁটাত খুন্দিওৱাৰ ফলত দুৰ্ঘটনাটো সংঘটিত হয়। দুৰ্ঘটনাটো চুতু ভূমিজ নামৰ মহিলা শ্ৰমিকগৰাকী থিতাতে নিহত হয়৷ আহতসকলক চিকিৎসালয় ভৰ্ত্তি কৰা হৈছে ৷

Also Read: নগাঁও ছোৱালী মহাবিদ্যালয়ত গজল সন্ধ্যা সম্পন্ন...