![জামুগুৰিহাটত তৃতীয় বাৰ্ষিক বাইবেল সমাৰোহৰ আয়োজন](http://media.assettype.com/asomiyapratidin%2F2024-01%2Fc2f477c0-ae7d-4fcf-bfe6-dee5b4e7bf5f%2F163.jpg?w=480&auto=format%2Ccompress&fit=max)
ডিজিটেল সংবাদ,জামুগুৰিহাট : জামুগুৰিহাটৰ এড়া দিকৰাই নৱপুৰত অসম লুঠাৰন পেৰিছ যুৱক সংঘৰ উদ্যোগত অনুষ্ঠিত হয় তৃতীয় বাৰ্ষিক বাইবেল সমাৰোহ ৷ তিনিদিনীয়া বিস্তৃত কাৰ্যসূচীৰে আয়োজিত এই বাইবেল সমাৰোহৰ মঙলবাৰে অনুষ্ঠিত মুকলি সভাত মূখ্য অতিথি হিচাপে অংশগ্ৰহণ কৰে চতিয়া সমষ্টিৰ বিধায়ক পদ্ম হাজৰিকাই ৷
অঞ্চলটোৰ কেইবা শতাধিক ৰাইজৰ উপস্থিতিত অনুষ্ঠিত সভাত ভাষণ প্ৰদান কৰি বিধায়কগৰাকীয়ে কয়- এই বাইবেল সমাৰোহৰ জৰিয়তে সমগ্ৰ অঞ্চলটিত আধ্যাত্মিক পৰিৱেশ গঢ় লৈ উঠিছে ৷ এনে আধ্যাত্মিক পৰিৱেশে এখন সমাজ সুস্থ সবল হিচাপে গঢ় দিয়াত অৰিহনা যোগাই আহিছে ৷ সভাত বিশিষ্ট অতিথি হিচাপে অংশগ্ৰহণ কৰে উত্তৰ মূঢ়াদল গাঁও পঞ্চায়তৰ সভাপতি দিপক নেৱাৰৰ লগতে আচাম লুঠাৰণ পেৰিছ যুৱক সংঘৰ বিভিন্ন পৰ্যায়ৰ বিষয়ববীয়া সদস্যই ৷