জামুগুৰিহাটৰ হোলি চাইল্ড ইংলিছ স্কুলৰ ব্যতিক্ৰমী প্ৰয়াস

ডিজিটেল সংবাদ,জামুগুৰিহাট : জামুগুৰিহাটৰ হোলি চাইল্ড ইংলিছ স্কুলে গ্ৰহণ কৰিছে ব্যতিক্ৰমী প্ৰয়াস ৷ বিদ্যালয় সপ্তাহ সমাৰোহৰ লগত সংগতি ৰাখি অহা ২২ নৱেম্বৰৰ সন্ধিয়া অনুষ্ঠিত কৰিব ভাওনা ৷ মনকৰিবলগীয়া যে বিদ্যালয়খনৰ ছাত্ৰ ছাত্ৰীসকলৰ দ্বাৰা মঞ্চস্থ হ’ব “বালি বধ সীতা হৰণ” নাটভাগ ৷

ইতিমধ্যে ভাওনাৰ আখৰা সম্পূৰ্ণ কৰি সাজু হৈ উঠিছে ছাত্ৰ ছাত্ৰীসকল ৷ ভাওনা পৰিচালনাৰ দায়িত্বত দুই যুৱ ভাওনা শিল্পী মানস বৰা আৰু গৌতম বৰা ৷ বিদ্যালয়খনৰ গুৰুজনাৰ সৃষ্টিৰাজীৰ প্ৰতি ছাত্ৰ ছাত্ৰীসকলক আকৰ্ষিত কৰাৰ এই প্ৰয়াসৰ শলাগ লৈছে অঞ্চলবাসী ৰাইজে ৷

Also Read: উৰিয়াগাঁৱৰ সমাজকৰ্মী মৃণাল বৰাৰ মৃত্যু