চতিয়া আৰক্ষীৰ অভিযানত জব্দ অৰুণাচলী সুৰা : আটক ৩ সৰবৰাহকাৰী

ডিজিটেল সংবাদ, জামুগুৰিহাটঃ চতিয়া আৰক্ষীয়ে বৃহস্পতিবাৰে পুৱতি নিশা অভিযান চলাই ২খন বাহনসহ অবৈধ অৰুণাচলী সুৰা জব্দ কৰে৷ এক গোপন সূত্ৰৰ পমখেদি অসম-অৰুণাচলৰ সীমান্তৱৰ্তী অঞ্চল ডেলাইশ্ৰীত এল্ট এএচ-১২-এএফ-৭৩৮৩ আৰু এছপেচৰ’ এএচ-১২-এবি-৫২২৯ নম্বৰৰ বাহন ২খনৰ পৰা অবৈধ সুৰা সমূহ জব্দ কৰে৷

৫০ কাৰ্টুন অবৈধ অৰুণাচলী সুৰা সৰবৰাহ কৰি অৰুণাচলৰ ছিজুছাৰ পৰা ডেলাইশ্ৰী অভিমুখে আহি থকা অৱস্থাত বাহনসহ ৩জন যুৱকক আটক কৰে আৰক্ষীয়ে৷ আটকাধীন লোকসকল জিতেন ৰাভা, পালেখান আলী আৰু ৰাজা খাগলাৰী বুলি জানিব পৰা গৈছে।

Also Read: অতীতৰ সম্পৰ্কৰ কথা নজনোৱাৰ বাবেই প্ৰেমিকাক ডিঙি কাটি হত্যা প্ৰেমিকৰ