জামুগুৰিহাটত বীৰছা মুণ্ডাৰ ১৪৮ তম জন্মজয়ন্তী উদযাপনৰ প্ৰস্তুতি

ডিজিটেল সংবাদ, জামুগুৰিহাটঃ অসম মুণ্ডা মহাসভাৰ বিশ্বনাথ জিলা সমিতিৰ সৌজন্যত নদুৱাৰ আঞ্চলিক সমিতিৰ উদ্যোগত আৰু মনাই চাহ বাগিচাৰ ৰাইজৰ সহযোগত ৰাষ্ট্ৰীয় বীৰ শ্বহীদ বীৰছা মুণ্ডাৰ ১৪৮ তম জন্মজয়ন্তী সমাৰোহ উদযাপনৰ ব্যাপক প্ৰস্তুতি চলিছে ৷

জামুগুৰিহাটৰ মনাই চাহবাগিছাৰ খেল পথাৰত অহা ১৫ নবেম্বৰত দিনজোৰা কাৰ্য্যসুচীৰে অনুষ্ঠিত হ'ব লগা জন্মজয়ন্তী সমাৰোহত বীৰ শ্বহীদ বীৰছা মুণ্ডাৰ এটি প্ৰতিমূৰ্ত্তি উন্মোচন কৰা হ'ব বুলি জনাইছে অসম মূণ্ডা সভাৰ জিলা সমিতিয়ে ৷ জন্ম জয়ন্তী সমাৰোহৰ সমূহ কাৰ্য্যসুচীত সকলো শ্ৰেনীৰ ৰাইজৰ উপস্থিতি আন্তৰিকতাৰে কামনা কৰিছে উদ্যোক্তাসকলে৷

Also Read: উত্তৰাখণ্ডত ভূমিস্খলনৰ ফলত বন্ধ হৈ যোৱা সুৰংগত আৱদ্ধ অসমৰ ২ শ্ৰমিক