জামুগুৰিহাটত দুৰ্বৃত্তৰ অতপালি : ঔষধ ছটিয়াই লুটি নিলে নগদ ধন

ডিজিটেল সংবাদ, জামুগুৰিহাট : জামুগুৰিহাটৰ ৰঙাচকুৱাত দুৰ্বৃত্তই খজুৱতিৰ ঔষধ চতিয়াই এজন ব্যক্তিৰ পৰা লুটি নিলে এক লাখ টকা। ইন্দ্ৰ বাহাদুৰ নেৱাৰ নামৰ ব্যক্তিজনে শনিবাৰে ষ্টেটবেংকৰ ৰঙাচকুৱা শাখাৰ পৰা ১লাখ টকা উলিয়াই নিকটৱৰ্তী বজাৰলৈ চাইকেল চলাই আহি থকাৰ সময়তে সংঘটিত হয় এই ঘটনা।

সেই সময়ত কিংকৰ্তব্যবিমুঢ় হৈ পৰা ব্যক্তিজনে হুলস্থূলৰ সৃষ্টি কৰে যদিও ইতিমধ্যে দুৰ্বৃত্ত পলাই যাবলৈ সক্ষম হয়। ঘটনা সন্দৰ্ভত ভুক্তভোগী ব্যক্তিজনে জামুগুৰি আৰক্ষী থানাত এজাহাৰ দাখিল কৰিছে।

উল্লেখ্য যে ইয়াৰ পূৰ্বেও জামুগুৰিহাটৰ ৰঙাচকুৱাত বেংকৰ পৰা টকা উলিয়াই অনা ব্যক্তিৰ পৰা দুৰ্বৃত্তৰ দলে লুটি নিয়াৰ কেইবাটাও ঘটনা সংঘটিত হৈছে ৷

Also Read: বিহালীত উপ নিৰ্বাচনৰ প্ৰচাৰত নামিছে বিজেপিৰ বাঘা- বাঘা নেতা