ডিজিটেল সংবাদ জামুগুৰিহাটঃ ৰঙাপৰাৰ ধেন্দাই চাহ বাগিচাত এটা বনৰীয়া হাতীৰ পোৱালিৰ মৃত্যু হৈছে। বাগিচাখনৰ ৯ নং শাখাৰ এটি নলাত উদ্ধাৰ হয় মৃত বনৰীয়া হাতীৰ পোৱালীটো ৷
খাদ্যৰ সন্ধানত মাতৃৰ সৈতে অহা হাতীৰ পোৱালীটো নলাত পৰি যোৱাৰ ফলতে মৃত্য হোৱাৰ সন্দেহ কৰা হৈছে ৷ মাতৃয়ে পোৱালীটো উদ্ধাৰ চেষ্টা কৰে যদিও মাটিত পুত যোৱাত মৃত্যু হয় ৷
পুৱা বাগিচাখনৰ শ্ৰমিক কামলৈ যোৱাৰ সময়ত প্ৰত্যক্ষ কৰে মৃত হাতীৰ পোৱালীটো ৷ পাছত তেওঁলোকে এই বিষয়ে বাগিচা কৰ্তৃপক্ষ খবৰ দিয়াত বাগিচা কৰ্তপক্ষই বন বিভাগক খবৰ দিয়ে ৷
ইতিমধ্যে আমাৰীবাৰী বন বিভাগৰ লোক ঘটনাস্থলীলৈ ৰাওনা হৈছে ৷ ৰঙাপৰাত আজি কিছু দিন পূৰ্বেও বন বিভাগে উদ্ধাৰ কৰিছিল হাতীৰ পোৱালী ৷ ৰঙাপৰাৰ বিভিন্ন স্থআনত বিচৰণ কৰি থকা হাতীপ জাকৰ সৈতে কেইবাটাও হাতীৰ পোৱালী আছে ৷
