তৌভঙাৰ বামুণীপামত শোকাকুল পৰিবেশ : বহিঃৰাজ্যত প্ৰাণ গ’ল দীপক লুংহগেলীৰ

ডিজিটেল সংবাদ,জামুগুৰিহাট : জামুগুৰিহাটৰ তৌভঙাৰ বামুণীপাম গাঁও নিবাসী দীপক লুংগেলী(৪৫) কৰ্মসূত্ৰে দিল্লীত এটা কোম্পানীত কৰ্মৰত  আছিল‌। যোৱা ১ আগষ্টত দিল্লীৰ নিজ কোঠাত বিদ্যুতস্পৃষ্ট হৈ প্ৰাণ হেৰুৱাব লগা হয় দুৰ্ভগীয়া লোকজনে।

দীপক লুংগেলী নিথৰদেহ মঙলবাৰে পৰিয়ালৰ লোকে দিল্লীৰ পৰা জামুগুৰিহাটৰ বামুণীপামৰ নিজ গৃহলৈ অনাত পৰিয়ালটিৰ মাজত শোকাকুল পৰিবেশ সৃষ্টি হোৱাৰ লগতে অঞ্চলটো‌ শোকৰ ছাঁ পৰে। দুই কন্যা সন্তানক ইহসংসাৰত এৰি এইদৰে অকাল মৃত্যু সাৱটি লোৱাত এতিয়া কন্যা সন্তান দুটিক চোৱাচিতা কৰাক লৈ চিন্তিত হৈ পৰিছে পৰিয়ালবৰ্গ। সেয়েহে পৰিয়ালবৰ্গই স্থানীয় বিধায়ক তথা মুখ্যমন্ত্ৰীক কন্যা সন্তান দুটিৰ বাবে সহায় বিচাৰিছে৷

Also Read: বিশাল ফুকনৰ পাছত চুমি বৰাৰ সন্ধানত নামিছে আৰক্ষী...