![জামুগুৰিহাটত গাঞ্জাসহ সৰবৰাহকাৰীক আটক](http://media.assettype.com/asomiyapratidin%2F2024-02%2F59f04938-ebba-4eef-937b-ead68347cf87%2F282.jpg?w=480&auto=format%2Ccompress&fit=max)
ডিজিটেল সংবাদ,জামুগুৰিহাট : জামুগুৰিহাটত ৩ কিলোগ্ৰাম গাঞ্জাসহ সৰবৰাহকাৰীক আটক কৰিছে স্থানীয় আৰক্ষীয়ে ৷ ধৃত সৰবৰাহকাৰীজনৰ নাম আচিফ হুছেইন বুলি জানিবলৈ দিয়ে ৷
এক বিশেষ সূত্ৰৰ পমখেদি জামুগুৰিৰ আৰক্ষীয়ে শনিবাৰে নিশা জামুগুৰিহাটৰ চৰ অঞ্চলৰ চিৰুৱানী চাপৰি তিনিআলিৰ পৰা গাঞ্জাসহ আটক কৰে সৰবৰাহকাৰীজনক ৷ আৰক্ষীয়ে ধৃত আচিফ হুছেইনৰ বিৰুদ্ধে গোচৰ পঞ্জীয়ন কৰি জে'ল হাজোতলৈ প্ৰেৰণৰ ব্যৱস্থা কৰাৰ কথা উল্লেখ কৰে ৷
উল্লেখ্য যে পূৰ্ব্বেও জামুগুৰিহাটৰ দক্ষিণ-পশ্চিম প্ৰান্তৰ চৰাঞ্চলৰ পৰা কেইবাজনো গাঞ্জা সৰবৰাহকাৰীক আৰক্ষীয়ে গ্ৰেপ্তাৰ কৰি জে'ল হাজোত লৈ প্ৰেৰণ কৰিছিল ৷